ზურაბ პატარაძე ორი წლის განმავლობაში აჭარის მთავრობაში ეფექტურად მუშაობდა,- ამის შესახებ აჭარის უმაღლესი საბჭოს ფრაქცია "ქართული ოცნების" წევრმა ვლადიმერ მგალობლიშვილმა "ინტერპრესნიუსს" განუცხადა.

როგორც დეპუტატმა განმარტა, ზურაბ პატარაძის მიერ თანამდებობის შესაძლო დატოვების შესახებ ინფორმაციას არ ფლობს და თავადაც თავმჯდომარის ოფიციალურ განცხადებას ელოდება, რომელიც 14:00 საათზე არის ჩანიშნული.

"ჯერჯერობით ამ საკითხზე კომენტარს ვერ გავაკეთებ. აჭარის მთავრობის თავმჯდომარე ამ დრომდე მუშაობს და არანაირი განცხადება არ გაკეთებულა და მე რომ კომენტარი გავაკეთო, არ იქნება სწორი. მე ვფიქრობ, რომ ზურაბ პატარაძე ორი წლის განმავლობაში ეფექტურად მუშაობდა და მუშაობს ახლაც",- განაცხადა ვლადიმერ მგალობლიშვილმა.

აჭარის მთავრობაში 14:00 საათზე საგანგებო განცხადებაა ჩანიშნული. გავრცელებული ინფორმაციით, ზურაბ პატარაძე აჭარის მთავრობის თავმჯდომარის თანამდებობას დატოვებს.