გია ვოლსკი - “ნაცმოძრაობის“ პროპაგანდისტურმა ქვედანაყოფმა კულტურის სფეროს დამსახურებული ადამიანი ივანიშვილის საწინააღმდეგოდ ალაპარაკა, რეალობაში კი ამ ადამიანის ავტორიტეტი დაასამარა

ბიძინა ივანიშვილის, როგორც ფაქტორის მიმართულებით, ოპოზიციაში სპეციალიზაცია ჩამოყალიბდა, - აღნიშნული განცხადება საპარლამენტო ოპოზიციის კრიტიკის საპასუხოდ, პარლამენტის რიგგარეშე სხდომაზე ვიცე-სპიკერმა გია ვოლსკიმ გააკეთა.

“ამ თემაზე მუდმივი ლაპარაკი არის ერთ-ერთი სტრატეგიული პოლიტიკური მიმართულება, რომელიც ნებისმიერ თემას თან სდევს. “ნაციონალური მოძრაობის“ პროპაგანდისტურმა ქვედანაყოფმა ერთ-ერთი ცნობილი საზოგადო მოღვაწე, კულტურის სფეროს დამსახურებული ადამიანი ბიძინა ივანიშვილის საწინააღმდეგოდ გარკვეულ საკითხებზე ალაპარაკა და რეალობაში ამ ადამიანის ავტორიტეტი დაასამარა“, - განაცხადა გია ვოლსკიმ.

პარლამენტის რიგგარეშე სხდომაზე მთავრობის სტრუქტურული რეორგანიზაციის საკანონმდებლო პაკეტის განხილვა მიმდინარეობს.