გეგმური სარეაბილიტაციო სამუშაოების გამო, „ენერგო-პრო ჯორჯიას“ აბონენტების ნაწილს ხვალ ელექტროენერგიის მიწოდება შეეზღუდება.

როგორც „ინტერპრესნიუსს“ „ენერგო-პრო ჯორჯიადან“ აცნობეს, 05:00-დან 12:00 საათამდე ელექტროენერგიის მიწოდება შეეზღუდება 5836 აბონენტს სტეფანწმინდაში, ფასანაურში, გუდაურში, ქუმლისციხეში, ხურთისსა და მიმდებარე სოფლებში; 11:00-დან 18:00 საათამდე - 456 აბონენტს თიანეთში: ფიროსმანის, 9 აპრილის, აღმაშენებლის, ბეწუკელის, რუსთაველის და მიმდებარე ქუჩებზე; 11:30-დან 18:00 საათამდე - 858 აბონენტს დუშეთის რაიონის სოფლებში: ბაკურხევი, ფახვიჯი, ბულაჩაური და მიმდებარე სოფლებში; 16:00-დან 17:30 საათამდე - 3055 აბონენტს მცხეთის რაიონის სოფლებში: მუხათწყარო, ნახშირგორა, ლისი, თხინვალა, მისაქციელი, ნავაზარი და მიმდებარე სოფლებში.

სარეაბილიტაციო სამუშაოების დასრულებისთანავე, ელექტროენერგიის მიწოდება ჩვეულ რეჟიმში აღდგება.