ჩვენ ყველა ვთანხმდებით იმაზე, რომ არსებული ფორმით ელიავას ბაზრობის არსებობა არის მიუღებელი, - ამის შესახებ საკრებულოს თავმჯდომარემ დღეს გამართულ პრესკონფერენციაზე განაცხადა.

გიორგი ტყემალაძის თქმით, თბილისის მიწათსარგებლობის გენერალური გეგმით გათვალისწინებული ჩარჩო-გეგმის მიხედვით, აღნიშნული ტერიტორია ცივილურად განვითარდება.

"გადაწყვეტილება უნდა იქნეს მიღებული, რომ ჩარჩო გეგმის გათვალისწინებით ამ ტერიტორიაზე მოხდეს ცივილური, ევროპული ტიპის განვითარება. ერთი რამ არის ცხადი, ასეთი ფორმით იქ ამ ტერიტორიის დარჩენა არ შეიძლება. დანარჩენს კი განსაზღვრავს ის ჩარჩო გეგმა, რომელიც იქნება დამუშავებული არა მხოლოდ ბაზრობის, არამედ მის მიმდებარე ტერიტორიაზეც,"- აღნიშნა ტყემალაძემ.