ოკუპირებული აფხაზეთის დე ფაქტო პრეზიდენტი რაულ ხაჯიმბა სოხუმში იორდანიის დელეგაციას შეხვდა. რაულ ხაჯიმბას განცხადებით, „აფხაზეთი და იორდანია დაინტერესებულნი არიან ეკონომიკური თანამშრომლობით“.
„ვიმედოვნებ, რომ ჩვენი ურთიერთობების პერსპექტივა გაიზრდება. იმ პროცესებს, რომლებიც ჩვენ ქვეყნებს შორის მიმდინარეობს, საფუძველი აქვს. მიუხედავად იმისა, რომ ტერიტორიით პატარა ქვეყანა გვაქვს, ბევრი რესურსი გაგვაჩნია. ვიმედოვნებ, რომ ჩვენი ურთიერთობები არა მხოლოდ სავაჭრო-სამრეწველო პალატების დონეზე განვითარდება, არამედ მაღალ დონეზეც იქნება. ჩვენთვის მნიშვნელოვანია, რომ ეკონომიკური ურთიერთობები განვითარდეს“, - განაცხადა რაულ ხაჯიმბამ.
იორდანიის დელეგაციის წევრებმა აღნიშნეს, რომ ხელს შეუწყობენ „სახელმწიფოებს შორის ურთიერთობების განვითარებას“.