მესაზღვრეების ინფორმაციით, სვანეთში მთა კვლავ ჩამოიშალა და მდინარე “ნენსკრაზე“ ღვარცოფის მატებას ელოდებიან, - ამის შესახებ “ინტერპრესნიუსს“ სოფელ ჭუბერის მცხოვრებმა განუცხადა.

მისივე ინფორმაციით, ადგილზე რთული ვითარებაა და ადგილობრივები დახმარებას ელოდებიან.

“ადგილზე ამ დროისთვის, დაახლოებით 20-მდე მაშველი მუშაობს. ისინი ცდილობენ ადგილობრივები საფრთხისგან დაიცვან“, - განუცხადა “ინტერპრესნიუსს“ ჭუბერის მკვიდრმა.

შეგახსენებთ, რომ სვანეთში მთის ჩამოშლის შედეგად მდინარე ნენსკრა ადიდდა. რამდენიმე სოფელი გარესამყაროს არის მოწყვეტილი.