გაგი მოსიაშვილი - სამართალდამცველი, რომელიც ჩემი დაცვის ქვეშ მყოფის დაკავებაში იურიდიულად ფიგურირებს, სინამდვილეში დაკავების ადგილზე საერთოდ არ ყოფილა

სამართალდამცველი, რომელიც ჩემი დაცვის ქვეშ მყოფის დაკავებაში იურიდიულად ფიგურირებს, სინამდვილეში დაკავების ადგილზე საერთოდ არ ყოფილა, - ამის შესახებ „ინტერპრესნიუსს“ მსჯავრდებულ ლაშა ვაშაკიძის ადვოკატმა, გაგი მოსიაშვილმა განუცხადა.

მისი თქმით, დაცვის მხარემ წინა სხდომაზე ვიდეო კადრების სახით ახალი მტკიცებულება წარადგინა, სადაც ნათლად ჩანს მოქალაქე ლაშა ვაშაკიძის დაკავების მომენტი. ადვოკატის თქმით, სახეზეა სამართალდამცველების გადაცდომა, შესაბამისად, როგორც ახლად გამოვლენილი გარემოება, დაცვის მხარემ აღნიშნული ვიდეომასალის საქმეზე მტკიცებულების სახით დართვა მოითხოვა.

„ლაშა ვაშაკიძეს ედავებიან ნარკოტიკის შეძენა-შენახვას და იარაღის უკანონო ტარებას. ჩვენ მოვიპოვეთ თვითმხილველის მიერ სამოყვარულო კამერით გადაღებული ვიდეო, სადაც ჩანს, თუ როგორ ხდება დაკავება.

გამოძიება ოფიციალურ ვერსიაში ამბობს, რომ ოპერატიული ინფორმაციის საფუძველზე მივედით ადგილზეო, ვნახეთ რომ მას ჰქონდა ნარკოტიკული ნივთიერება და დავაკავეთო. ჩვენ მიერ მოპოვებული ინფორმაციით, ვინც ამბობს, რომ მხოლოდ მე ვიყავი ადგილზეო, ის საერთოდ არ იმყოფება დაკავების ადგილზე“, - განაცხადა გაგი მოსიაშვილმა. მისივე ინფორმაციით, ხვალ სასამართლო იმსჯელებს მტკიცებულების დასაშვებობის საკითხზე.

ნარკოტიკული ნივთიერების შეძენა-შენახვა და იარაღის ტარებისთვის მსჯავრდებულის ლაშა ვაშაკიძის სასამართლო პროცესი 6 ივლისს 15:00 საათზე სააპელაციო სასამართლოში გაიმართება.

თორნიკე შარაშენიძე  - „ოცნებას“ სურს ხელისუფლებაში მესამე ვადითაც დარჩენა და ამისთვის სიტუაციას ამზადებს
ქართული პრესის მიმოხილვა 17.08.2019
მიხეილ უკლება - ანაკლიის პროექტის განსახორციელებლად დიდი მნიშვნელობა აქვს, როგორ დაბალანსდება შავი ზღვის რეგიონში გლობალური და რეგიონალური მოთამაშეების ინტერესები
კომპანიამ Aviabiletebi.org მობილური აპლიკაცია ანდროიდის სისტემაზეც განაახლა
SS.ge-ში გუგლის სერვისების ინტეგრაცია მოხდა
Cushman and Wakefield Georgia-ს კვლევის მიხედვით "გალერია თბილისი" თბილისის საუკეთესო სავაჭრო ცენტრად დასახელდა
საერთაშორისო სარეიტინგო კომპანია Scope Ratings-მა სს „ნიკორას“  BB- რეიტინგი მიანიჭა, სს „ნიკორა ტრეიდს“ B+ რეიტინგი დაუდასტურა