ლაშა ტუღუში - მთავარი პროკურორის არჩევის პროცესი უნდა შეჩერდეს და პირველ რიგში, სისტემური ცვლილებები განხორციელდეს

მთავარი პროკურორის არჩევის სისტემა ისეთია, ჯოხი რომ დაარჭო, იმას აირჩევენ, - ამის შესახებ მედიაექსპერტმა ლაშა ტუღუშმა “პალიტრანიუსის“ გადაცემაში “360 გრადუსი“ განაცხადა.

ტუღუშის აზრით, მთავარი პროკურორის არჩევის პროცესი უნდა შეჩერდეს და პირველ რიგში, სისტემური ცვლილებები განხორციელდეს.

“ეს არის მანკიერი, ერთპარტიული სისტემა. შევხედოთ, როგორია საპროკურორო საბჭოს შემადგენლობა. ამ სისტემამ არ შეიძლება ნორმალური კანდიდატურა შვას - შეუძლებელია ცუდი სისტემით კარგი პროფესიონალი მოვიდეს. ამ სისტემის სხვა ნაწილებიც ანალოგიურია. ამიტომ ჩვენ რეფორმასა და ინსტუტიციებზე უნდა ვიფიქროთ“, - განაცხადა ტუღუშმა გადაცემა “360 გრადუსში“.

მისივე თქმით, წარმოუდგენელია, საუბარი იყოს დამოუკიდებელ მთავარ პროკურორზე და მთავარ კანდიდატად მთავრობის ადმინისტრაციის ხელმძღვანელი იყოს წარმოდგენილი. “რა თქმა უნდა, მივიღებთ ბევრად უარეს ვითარებას, რადგან კლანური და კორპორაციული ინტერესები კიდევ უფრო გაღრმავდება - მთელი პროკურატურა გაბაიბურებული იქნება“, - აღნიშნა ლაშა ტუღუშმა.

ვალერი სოლოვეი - კრემლის ქმედებების მოაზროვნე გამმართლებლები, ვინც საქართველოს საქმეებში ჩახედულია, თვლიან, რომ რუსეთს აღარ შეუძლია საქართველოს  პოლიტიკაზე გავლენის მოხდენა
ქართული პრესის მიმოხილვა 21.08.2019
ვახტანგ ძაბირაძე -  შემოდგომა იქნება ოპოზიციურ ფლანგზე ძალების ჩამოყალიბების პროცესი, ამიტომ არ მაქვს მოლოდინი, რომ ცხელი შემოდგომა გვექნება
პროექტ „ბათუმი რივიერასთან“ დაკავშირებით „სილქროუდ ჯგუფი“ განცხადებას ავრცელებს