რუსთავში „საქართველო-კარიტასის“ ბავშთა სახლ ”თბილი სახლის ” აღმზრდელს სამმა პირმა ფიზიკური შეურაცხყოფა მიაყენა. შსს-ს ინფორმაციით, ცემის ფაქტზე გამოძიება საქართველოს სისხლის სამართლის კოდექსის 126-ე მუხლის პირველი ნაწილით მიმდინარეობს, რაც ცემას ან სხვაგვარ ძალადობას გულისხმობს, რამაც დაზარალებულის ფიზიკური ტკივილი გამოიწვია.
როგორც “ინტერპრესნიუსს" შინაგან საქმეთა სამინისტორში განუცხადეს, დადგენილია იმ პირთა ვინაობა, ვინც ბავშთა სახლის აღმზრდელს ფიზიკური და სიტყვიერი შეურაცხყოფა მიაყენა. ამ დროისთვის შესაბამისი საგამოძიებო მოქმედებები მიმდინარეობს.
დღეს რუსთავში მდებარე ბავშთა სახლის აღმზრდელი სამმა ნასვამმა პირმა სცემა და სიტყვიერი შეურაცხყოფა მიაყენა, აღმზრდელს დაზიანებები თვალისა და თავის არეში აქვს მიყენებული.