სოფელ ლეკელმახეში მცხოვრები ოჯახი საფრთხის ზონას გაარიდეს. აღნიშნულ ინფორმაციას საგანგებო სიტუაციების მართვის სამსახური ავრცელებს. მათი ინფორმაციით, საგანგებო სიტუაციების მართვის სამსახურის მაშველებმა ჭუბერის თემში, სოფელ ლეკელმახეში მცხოვრები ოჯახი საფრთხის ზონას გამოარიდა და საკუთარი სახლიდან უსაფრთხო ტერიტორიაზე გადაიყვანა.
ცნობისთვის, ჭუბერის თემის ერთ-ერთი სოფლის, ლეკელმახეს მოსახლეობა შველას ითხოვდა. როგორც სოფლის მკვიდრმა ნინი ჩხეტიანმა ცოტა ხნის წინ „ინტერპრესნიუსს“ განუცხადა, ნენსკრა, რომელიც გუშინ სოფლის ერთ მხარეს იყო ადიდებული, დღეს მეორე მხარეზეც გავრცელდა და იყო საშიშროება, რომ მათი სახლი წაეღო.