ეკონომიკისა და მდგრადი განვითარების სააგენტომ „აწარმოე საქართველოში“ ახალი საინვესტიციო პროექტების/შეთავაზებების ერთიანი ბაზის ფორმირება დაიწყო

საქართველოს ეკონომიკისა და მდგრადი განვითარების სააგენტომ „აწარმოე საქართველოში“ ახალი (Greenfield) საინვესტიციო პროექტების/შეთავაზებების ერთიანი ბაზის ფორმირება დაიწყო, - ამის შესახებ „ინტერპრესნიუსს“ სააგენტო „აწარმოე საქართველოდან“ აცნობეს.

მათი ცნობით, აღნიშნული ბაზის ფორმირება იმ მიზნით დაიწყო, რათა შემდგომში ინფორმაციის გავრცელება პოტენციურ ინვესტორებთან მოხდეს.

„საინვესტიციო პროექტების/შეთავაზებების შესახებ ინფორმაციის გავრცელება სხვადასხვა ღონისძიებების ფარგლებში მოხდება, რომლებსაც საქართველოსა და სამიზნე ბაზრებზე სააგენტო "აწარმოე საქართველოში" განახორციელებს.

სექტორული კუთხით პრიორიტეტი ენიჭება აუთვისებელი და ნიშური ინდუსტრიების განვითარებას, რასაც ქვეყანაში საშუალო და გრძელვადიანი სოციალური და ეკონომიკური ზეგავლენა ექნება. ამასთანავე, საინვესტიციო პროექტის/შეთავაზების საინვესტიციო მოცულობა უნდა აღემატებოდეს 5 მლნ ლარს,“ - ნათქვამია სააგენტოს ინფორმაციაში.

რამაზ საყვარელიძე - ჩვენი საზოგადოების პრობლემა ისაა, რომ მან ახალი ამბიციური და ბრძოლისუნარიანი პოლიტიკური ძალა, ჯერჯერობით, ვერ წარმოშვა
ქართული პრესის მიმოხილვა 18.01.2020
ასლან ბჟანია - სოხუმსა და თბილისს შორის დიალოგი უნდა იყოს, როგორ ფორმატში, რა ფორმით, მნიშვნელობა არ აქვს
რას უტოვებს ტექნიკური უნივერსიტეტის კანცლერი შემცვლელს - კარლო კოპალიანს?
თენგიზ ცერცვაძე - სიმართლე საქართველოს C ჰეპატიტის ელიმინაციის პროგრამის შესახებ
Livo.ge-ზე უძრავი ქონების სერტიფიცირებული შეფასება 24 საათში 39 ლარად არის შესაძლებელი
სილქნეტის ოპტიკურ ქსელში დღეიდან სატელევიზიო პაკეტები იცვლება
კომპანია „თბილღვინომ“ 50 რჩეული მასპინძელი გამოავლინა