ჭუბერში მდინარისთვის კალაპოტის შესაცვლელად სამუშაოები ამ დრომდე მიმდინარეობს

ჭუბერში მდინარისთვის კალაპოტის შესაცვლელად სამუშაოები ამ დრომდე მიმდინარეობს. აღნიშნულ სამუშაოებს მძიმე ტექნიკა ასრულებს.

ჭუბერში ჩხეტიანების ექვსსულიანი ოჯახი დახმარებას ითხოვდა, რადგან მათი სახლის ჩამონგრევის საფრთხე იყო. სტიქიის შედეგად ჩხეტიანების ოჯახმა უკვე დაკარგა საოჯახო ტიპის სასტუმრო.

დაზარალებული ოჯახი დღეს ადგილობრივი ხელისუფლების წარმომადგენლებმა მოინახულეს. მათ მრავალშვილიან ოჯახს სასურსათო პროდუქტები გადასცეს.

აქტიურად მიმდინარეობს გზის გაწმენდითი სამუშაოებიც. საღამოს საათებში კი ჭუბერის მოსახლეობის ნაწილს ელექტროენერგიის მიწოდება აღუდგა.