ტაილანდში, გამოქვაბულში ჩარჩენილი მოზარდების გამოყვანის ოპერაცია შეჩერდა და ხვალ განახლდება. გამოცემა The Nation-ის ინფორმაციით, საერთო ჯამში დღეს გამოქვაბულიდან კიდევ 4 მოზარდი გამოიყვანეს. შესაბამისად, 8 მოზარდის გადარჩენის შემდეგ გამოქვაბულში კიდევ 4 მოზარდი და მათი 25 წლის მწვრთნელი რჩებიან. სავარაუდოდ, გამოქვაბულიდან მათი გამოყვანის ოპერაცია ხვალ დასრულდება.
შეგახსენებთ, რომ ადგილობრივი საფეხბურთო გუნდის 12 მოზარდი მწვრთნელთან ერთად 23 ივნისს გაუჩინარდა. ისინი 7-კილომეტრიან გამოქვაბულში შევიდნენ, სადაც მოულოდნელი წყალდიდობის გამო ბლოკირებულები აღმოჩნდნენ. მაშველებმა ისინი მხოლოდ 10 დღის შემდეგ აღმოაჩინეს.