მესტიის მუნიციპალიტეტის სოფელ ჭუბერში, სტიქიის შედეგად დაზარალებულ მოსახლეობასთან ერთად ადგილობრივ მცხოვრებლებს საკვები პროდუქტები და პირველადი მოხმარების ნივთები ურიგდებათ, - აამის შესახებ „ინტერპრესნიუსს“ სამეგრელო-ზემო სვანეთის მხარეში სახელმწიფო რწმუნებულის-გუბერნატორის ადმინისტრაციის პრესსამსახურიდან აცნობეს.
მათივე ინფორმაციით, აღნიშნული პროდუქტები, დღეს, სტიქიის ზონაში, სხვადასხვა ორგანიზაციებმა ჩაიტანეს, მათ შორის გარემოს დაცვისა და სოფლის მეურნეობის სამინისტრომ 300 ტომარა პურის ფქვილი გაგზავნა.
საკვებ პროდუქტებს, დაზარალებულ ოჯახებში საგანგებო შტაბის წევრებთან ერთად, სამაშველო სამსახურის თანამშრომლები და „ქართული ოცნების“ ახალგაზრდული ორგანიზაციის წევრები ურიგებენ.