ბათუმში, საზღვაო ტრანსპორტის სააგენტოს შენობასთან სატვირთო ავტომობილების მძღოლებმა საპროტესტო აქცია გამართეს. მძღოლების განცხადებით, ორი კვირაა თურქეთის მიმართულებით ვერ გადაადგილდებიან. შეკრებილები აცხადებენ, რომ თურქული მხარე საზღვრის კვეთის საშუალებას არ აძლევს და ნებართვის გაცემა გაურკვეველი ვადით შეჩერდა.

მძღოლები ხელისუფლებას მიმართავენ და დახმარებს სთხოვენ.

მძღოლების ნაწილს სახმელეთო ტრანსპორტის სააგენტოს ხელმძღვანელი ხვდება. შეხვედრა მედიისთვის დახურულია.

შეგახსენებთ, რომ რამდენიმე დღის წინ მძღოლებმა საპროტესტო აქცია ასევე გამართეს აჭარის მთავრობის სახლთან.