გიორგი გახარია - სპეციალური ღონისძიების ჩატარების პროცესში მოგვიწია მშვიდობიანი ახალგაზრდებისთვის გარკვეული დისკომფორტის შექმნა და მხოლოდ ამისთვის მოვიხადე ბოდიში

სპეციალური ღონისძიების ჩატარების პროცესში, მოგვიწია ჩვენი მშვიდობიანი ახალგაზრდებისა და მოქალაქეებისთვის გარკვეული დისკომფორტის შექმნა, მხოლოდ და მხოლოდ ამისთვის მოვიხადე ბოდიში, - ამის შესახებ შს მინისტრობის კანდიდატმა გიორგი გახარიამ განაცხდა, რითაც უპასუხა პარლამენტის დეპუტატის, გიორგი ლომაიას კითხვას - რატომ მოიხადა მან ბოდიში, კლუბში სპეციალური საპოლიციო ღონისძიების ჩატარების შემდეგ, იმის მიუხედავად, რომ ეს ღონისძიება წარმატებული იყო.

„ეს იყო სპეციალური საპოლიციო ღონისძიება, ეფექტური და წარმატებული, რომლის დროსაც 8 ნარკორეალიზატორი იყო დაკავებული. მათი გარკვეული ნაწილი უკვე თანამშრომლობს გამოძიებასთან და სხვათა შორის, ძალიან საინტერესო ჩვენებებს იძლევიან. მე მათ წინაშე ბოდიში არ მომიხდია, არც ვაპირებ და არც არასდროს მოვიხდი. უბრალოდ, ამ სპეციალური ღონისძიების ჩატარების პროცესში ჩვენ მოგვიწია ჩვენი მშვიდობიანი ახალგაზრდებისა და მოქალაქეებისთვის გარკვეული დისკომფორტის შექმნა. მხოლოდ და მხოლოდ ამისთვის მოვიხადე ბოდიში და იქვე აღვნიშნე, რომ ვერასდროს და ვერავინ პოლიციის უფლებამოსილების განხორციელებას ვერანაირად შეზღუდავს, ვერც დროში და ვერც გეოგრაფიაში, თუ ჩვენ გვექნება დადასტურებული ინფორმაცია, რომ არსებობს რისკი ჩვენი მოქალაქეების სიცოცხლის ან ჯანმრთელობისთვის”, - განაცხადა გახარიამ.

ვაჟა ბერიძე - გაუგებარია საზოგადოების რა ნაწილს წარმოადგენს მმართველი ძალა და ვისთვისაა „ოცნების“ ხელისუფლებაში დარჩენა სისხლხორცეულად აუცილებელი
ქართული პრესის მიმოხილვა 19.10.2019
თენგიზ ფხალაძე - ვინც ანაკლიის პორტის მიზანშეწონილობას ეჭვქვეშ აყენებს, იქნებ იმაზეც დაფიქრდეს, რატომ აჩქარებს რუსეთი ტამანში საკუთარი პორტის მშენებლობას?
აჭარული სოფლები და მთები, როგორც ოთხივე სეზონის ტურისტული პროდუქტი
„ლიბერთი ბანკის“ მხარდაჭერით, ახალი, ინოვაციური ონლაინ პლატფორმა - onoff.ge შეიქმნა
„ჯიპიაი ჰოლდინგი“ ყველა ავტომფლობელს სტიქიური რისკებისგან დაზღვევას უფინანსებს