ქობულეთი-ბათუმის შემოვლით გზაზე ავარიის დროს დაშავებულების ჯანმრთელობის მდგომარეობა სტაბილურია

ქობულეთი-ბათუმის შემოვლით გზაზე ავარიის დროს დაშავებულების ჯანმრთელობის მდგომარეობა სტაბილურია. როგორც "ინტერპრესნიუსს" აჭარის ჯანდაცვის სამინისტროში განუცხადეს, დაშავებულებს გამოკვლევები უტარდებათ.

შეგახსენებთ, რომ ავარიის დროს მანქანაში მყოფი ერთი ოჯახის ხუთი წევრი იმყოფებოდა, ავარიის შედეგად, სამი ადამიანი - ორი ბავშვი და მამა გარდაიცვალა, ხოლო ბავშვების დედა და ბებია დაშავდა.

ქობულეთი-ბათუმის შემოვლით გზაზე მომხდარ ავტოსაგზაო შემთხვევასთან დაკავშირებით, საქართველოს შინაგან საქმეთა სამინისტრომ გამოძიება "სისხლის სამართლის კოდექსის" 276-ე მუხლის მეშვიდე ნაწილით დაიწყო, რაც ავტოსაგზაო შემთხვევისას წესების დარღვევას გულისხმობს, რამაც სიცოცხლის მოსპობა გამოიწვია.