ბათუმი - ჩაქვის ცენტრალურ საავტომობილო გზაზე ავტოსაგზაო შემთხვევის შედეგად სამი ადამიანი დაშავდა. როგორც სასწრაფო სამედიცინო დახმარების ცენტრში განაცხადეს, დაშავებულები ბათუმის სხვადასხვა კლინიკებში არიან გადაყვანილი, სამივე მათგანს გულმკერდისა და კიდურების დაზიანებები აღენიშნებათ.

ფაქტთან დაკავშირებით საქართველოს შინაგან საქმეთა სამინისტრომ გამოძიება "სისხლის სამართლის კოდექსის" 276-ე მუხლით დაიწყო, რაც სატრანსპორტი მოძრაობისას წესების დარღვევას გულისხმობს, რამაც ჯანმრთელობის დაზიანება გამოიწვია.

შეგახსენებთ, ცოტა ხნის წინ ავტოსაგზაო შემთხვევა ბათუმი- ჩაქვის ცენტრალურ საავტომობილო გზაზე, გვირაბთან მოხდა. ერთმანეთს რამდენიმე მსუბუქი ავტომობილი შეეჯახა. ადგილზე სამართალდამცავები და ექსპერტ-კრიმინალისტების იყვნენ მობილიზებული.

ავტოსაგზაო შემთხვევის გამო, ცენტრალურ გზაზე მოძრაობა რამდენიმე წუთით შეზღუდული იყო.