სან დიეგოს სახელმწიფო უნივერსიტეტში წელს ჩარიცხულ 10 წარჩინებულ სტუდენტს გუდავაძე-პატარკაციშვილის ფონდი დააფინანსებს

ათასწლეულის გამოწვევის ფონდის აღმასრულებელი დირექტორი, მაგდა მაღრაძე, სან დიეგოს სახელმწიფო უნივერსიტეტის დეკანი საქართველოში, ჰალილ გუვენი და გუდავაძე-პატარკაციშვილისფონდის დირექტორი, ზურაბ კერვალიშვილი თანამშრომლობის მემორანდუმს მოაწერენ ხელს.

როგორც „ინტერპრესნიუსს“ მემორანდუმის მონაწილეებმა აცნობეს, მემორანდუმის მთავარი მიზანია ხელი შეუწყოს ქვეყანაში საბუნებისმეტყველო, საინჟინრო და ტექნოლოგიური (STEM) დარგების პოპულარიზაციას და განვითარებას, ისეთი აქტივობების განხორციელებით, როგორიცაა სასწავლო სტიპენდიები წარჩინებული სტუდენტებისთვის, STEM კონფერენციები, პროფესიული განათლების პროგრამების მხარდაჭერა, და სხვა. სან დიეგოს სახელმწიფო უნივერსიტეტის ამერიკულ საბაკალავრო პროგრამებზე წელს ჩარიცხულ ათ წარჩინებულ სტუდენტს სოციალურად დაუცველი ოჯახებიდან კი გუდავაძე-პატარკაციშვილის ფონდი სრული სასწავლო სტიპენდიით დააჯილდოებს.

ღონისძიებაზე წარმოდგენილი იქნება სან დიეგოს სახელმწიფო უნივერსიტეტის სტუდენტების ინოვაციური პროექტები. დამამთავრებელი კურსის სტუდენტები კი დამსწრე საზოგადოებას საკუთარი წარმატების ისტორიას გაუზიარებენ და განათლების სფეროში კერძო სექტორის ჩართულობის მნიშვნელობაზე ისაუბრებენ.

სან დიეგოს სახელმწიფო უნივერსიტეტი (SDSU) დიდ ყურადღებას უთმობს კერძო და საჯარო სექტორთან თანამშრომლობას. ამ მიზნით უნივერსიტეტმა შექმნა კერძო და საჯარო სექტორთან პარტნიორობის ფონდის (PPPF). ფონდის ფარგლებში SDSU საქართველო უკვე თანამშრომლობს წამყვან კომპანიებთან და ფონდებთან რათა მოიზიდოს დამატებითი თანხები სტიპენდიებისთვის, რაც საშუალებას მისცემს სტუდენტებს, მიიღონ საერთაშორისო სტანდარტების უმაღლესი განათლება საბუნებისმეტყველო და ტექნოლოგიურ დარგებში.

სან დიეგოს სახელმწიფო უნივერსიტეტი (SDSU) ასწლიანი ისტორიის მქონე ამერიკული უნივერსიტეტია. ის ერთ-ერთი უდიდესი და ყველაზე მოთხოვნადი უმაღლესი სასწავლებელია კალიფორნიის შტატში. აშშ-ის ათასწლეულის გამოწვევის კორპორაციის (MCC) ფინანსური მხარდაჭერით, სან დიეგოს სახელმწიფო უნივერსიტეტი, 2015 წლიდან, საქართველოში სთავაზობს მაღალი ხარისხის, საერთაშორისო აკრედიტაციის მქონე საბაკალავრო პროგრამებს საინჟინრო და ტექნოლოგიურ (STEM) დარგებში. აღნიშნული პროგრამები ხელს შეუწყობს საქართველოში საინჟინრო, სამშენებლო და საბუნებისმეტყველო დარგების განვითარებასა და მაღალკვალიფიციური სამუშაო ძალის მომზადებას.

გუდავაძე-პატარკაციშვილის საგანმანათლებლო ფონდი მიზნად ისახავს საქართველოს განათლების სისტემის განვითარებას განათლების საერთო დონის ამაღლებისა და განათლების ყველასთვის ხელმისაწვდომობის მიზნით. ფონდის პრიორიტეტებია: სასკოლო განათლება, პროფესიული განათლება და უმაღლესი განათლება.

ათასწლეულის გამოწვევის ფონდი - საქართველოს მისიაა საქართველოში შრომის ბაზრის მოთხოვნებზე დაფუძნებული განათლების სისტემის დანერგვა. ჩვენ ვახორციელებთ პროექტებს ზოგადი, პროფესიული და უმაღლესი განათლების სექტორში აშშ-ის მთავრობის ათასწლეულის გამოწვევის კორპორაციის (MCC-ის) მიერ საქართველოსთვის გამოყოფილი 140 მილიონი აშშ დოლარის გრანტის (კომპაქტის) მეშვეობით.

ანდრო გოცირიძე - პოლიტიკური სარგებლის მიღების მიზნით, მმართველი პარტია არ ერიდება მოსახლეობის დაპირისპირებას, პოლარიზაციის გაღვივებას და აღვირახსნილ ანტიდასავლურ კამპანიასაც კი
მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
აკადემიკოსი გიორგი ჯაფარიძე - ქვეყანა რომ წარმოდგენილი იყოს მსოფლიოს სამეცნიერო რუკაზე, აუცილებელია მასში მცხოვრები მეცნიერები თავისი საქმიანობით მონაწილეობდნენ საერთაშორისო სამეცნიერო პროცესში
ქართული პრესის მიმოხილვა 28.03.2024
„გავერთიანდეთ ჩვენი გმირებისთვის“ - სილქნეტი დაჭრილ მებრძოლთა თანადგომის ფონდის საქმიანობის ანგარიშს აქვეყნებს
საქართველოს უნივერსიტეტი -  iOS LAB Apple ავტორიზებული სასწავლო ცენტრი
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს