საქართველოს ვიცე-პრემიერი და შინაგან საქმეთა მინისტრი, გიორგი გახარია ლიეტუვას მთავრობის კანცლერს, ალგრიდას სტონჩაიტისს შეხვდა, - ამის შესახებ „ინტერპრესნიუსს“ შინაგან საქმეთა სამინისტროდან აცნობეს.
მათი ინფორმაციით, შეხვედრას ასევე ესწრებოდნენ ლიეტუვას საგანგებო და სრულუფლებიანი ელჩი საქართველოში, გიედრიუს პუოჯუნასი და ლიეტუვას მთავრობის მრჩეველი საგარეო პოლიტიკის საკითხებში, მინდაუგას ზიკუსი.
სამინისტროს ცნობით, შეხვედრა ატარებდა გაცნობით ხასიათს. მინისტრმა ლიეტუვას მხარის წარმომადგენლებს სამინისტროში ბოლო დროს განხორციელებული და მიმდინარე რეფორმები, აგრეთვე, დაგეგმილი სიახლეები გააცნო.