არჩილ თალაკვაძე - უნდა შეიქმნას საბინაო ფონდი, რომელიც ადამიანებს საცხოვრისით დაეხმარება

შეგვიძლია შევქმნათ სოციალური საცხოვრისის პროგრამა, რომლის ფარგლებშიც შეიქმნება საბინაო ფონდი, რომელიც ადამიანებს საცხოვრისით დაეხმარება, - ამის შესახებ საპარლამენტო უმრავლესობის ლიდერმა არჩილ თალაკვაძემ განაცხადა.

მისივე თქმით, ქვეყანაში არაერთ მოქალაქეს აქვს საცხოვრისის პრობლემა.

„არაერთ ჩვენს მოქალაქეს ჯერ კიდევ აქვს ელემენტარული საცხოვრისის პრობლემა. ამას მოწმობს ის წერილები და მოთხოვნები, რომლებიც მაჟორიტარ დეპუტატებს შემოგვდის.

ქვეყანაში კი გზებზე და ქალაქებში არის ისეთი შენობები, რომელთა კაპიტალური რემონტი და ბინების სახით გამოყენება შეუძლიათ მუნიციპალიტეტებს, შეუძლია მთავრობას, ეტაპობრივად. სოფლებშიც არის სახლები, რომელთა შესყიდვა და გამოყენება შესაძლებელია იმ ოჯახებისთვის, ვინც უსახლკაროდ არის დარჩენილი.

შეგვიძლია შევქმნათ სოციალური საცხოვრისის პროგრამა, რომლის ფარგლებშიც შეიქმნება საბინაო ფონდი, მართვის სამართლიანი და გამჭვირვალე წესებით, რომელიც ადამიანებს საცხოვრისით დაეხმარება, სანამ მათ ეს სჭირდებათ.

სოციალური საცხოვრისის პროგრამები სხვადასხვა ფორმით არსებობს ავსტრიაში, დანიაში, საფრანგეთში, გერმანიაში, აშშ-სა და ბრაზილიაში, რუმინეთსა და უნგრეთში“, - განაცხადა თალაკვაძემ.

რამაზ საყვარელიძე - პროპორციული საარჩევნო სისტემა კიდევ უფრო მარცხიანს გახდის ოპოზიციის მდგომარეობას
ქართული პრესის მიმოხილვა 05.06.2020
თედო ჯაფარიძე - არ მგონია, რომ ამერიკის "დასუსტებით" რუსეთმა ან რომელიმე სხვა ქვეყანამ საკუთარი პოზიციები გაიმაგროს
მითები და რეალობა ჰესების შესახებ
ფინკა ბანკისა და სიმბიოტიკსის თანამშრომლობა მეწარმეების დაკრედიტების მიმართულებით გრძელდება
„ვისოლში“ საწვავზე წლის მიმდინარე პერიოდში რეკორდულად დაბალი ფასები დაფიქსირდა