ფოთში, სწრაფი ჩარიცხვის აპარატის ქურდობისას, მძარცველი გასროლის შედეგად დაიღუპა

ფოთში, სწრაფი ჩარიცხვის აპარატის ქურდობის მცდელობისას, მძარცველი გასროლის შედეგად დაიღუპა. არსებული ინფორმაციით, სწრაფი ჩარიცხვის აპარატის ქურდობის მცდელობისას ადგილზე მისულ სამართალდამცველსა და მძარცველს შორის ფიზიკური დაპირისპირება მოხდა, რა დროსაც პოლიციელის მხრიდან ცეცხლსასროლი იარაღიდან გასროლა მოხდა, შედეგად მძარცველი თავის არეში მძიმედ დაიჭრა.

სასწრაფო-სამედიცინო დახმარების ბრიგადამ დაჭრილი ზუგდიდის რეფერალურ საავადმყოფოში გადაიყვანა. როგორც ფოთის სასწრაფო-სამედიცინო დახმარების ექიმმა განაცხადა, დაშავებული ექიმებს კომატოზურ მდგომარეობში დახვდა, მოგვიანებით კი, გარდაიცვალა. როგორც ექიმი აღნიშნავს, პაციენტს სისხლმდენი ჭრილობა თავის არეში აღენიშნებოდა. 

„დილით შემოვიდა გამოძახება, გავედით ადგილზე და პაციენტი უგონო, კომატოზურ მდგომარეობაში დაგვხვდა. თავზე აღენიშნებოდა სისხლმდენი ჭრილობა. ჩაუტარდა პირველადი დახმარება და გადავიყვანეთ ფოთის სტაციონარში. მოგვიანებით პაციენტი ზუგდიდის კლინიკაში რეანომობილით გადაიყვანეს, სადაც გარდაიცვალა. პოლიციელს ჩვენი დახმარება არ დასჭირვებია, მხოლოდ ერთი პაციენტი გვყავდა", - განაცხადა ექიმმა.

შემთხვევის ადგილზე ექსპერტ-კრიმინალისტები მუშაობენ.

გამოძიება სსკ-ის მე-19 177-ე მუხლით დაიწყო, რაც ქურდობის მცდელობას გულისხმოს. გამოძიებას პროკურატურა აწარმოებს.

რამაზ საყვარელიძე - პროპორციული საარჩევნო სისტემა კიდევ უფრო მარცხიანს გახდის ოპოზიციის მდგომარეობას
ქართული პრესის მიმოხილვა 05.06.2020
თედო ჯაფარიძე - არ მგონია, რომ ამერიკის "დასუსტებით" რუსეთმა ან რომელიმე სხვა ქვეყანამ საკუთარი პოზიციები გაიმაგროს
მითები და რეალობა ჰესების შესახებ
ფინკა ბანკისა და სიმბიოტიკსის თანამშრომლობა მეწარმეების დაკრედიტების მიმართულებით გრძელდება
„ვისოლში“ საწვავზე წლის მიმდინარე პერიოდში რეკორდულად დაბალი ფასები დაფიქსირდა