ლაშა თორდია არ გამორიცხავს, რომ ყოფილ მთავარ პროკურორ ოთარ ფარცხალაძის საქმეზე სტრასბურგის ადამიანის უფლებათა სასამართლოში იჩივლოს

ყოფილი გენერალური აუდიტორი ლაშა თორდია არ გამორიცხავს, რომ ყოფილ მთავარ პროკურორ ოთარ ფარცხალაძის საქმეზე სტრასბურგის ადამიანის უფლებათა სასამართლოში იჩივლოს.

როგორც თორდიამ ტელეკომპანია “პალიტრანიუსის“ გადაცემა “360 გრადუსის“ ეთერში განაცხადა, ის ჯერჯერობით გონივრულ და არაგონივრულ ვადებში ელოდება, დაინტერესდება თუ არა ახალი მთავარი პროკურორი მისი საქმით.

“გონივრულ და არაგონივრულ ვადებსაც ველოდები, რომ რაღაც ფორმით რაღაც შედეგებამდე მივიდეთ. არის სხვადასხვა მექანიზმები, რომლებსაც გავდივარ ჩემს უფლებადამცველებთან ერთად, მაგალითად სტრასბურგის ადამიანის უფლებათა სასამართლოს მივმართოთ, ან სხვა რომელიმე საერთაშორისო ინსტიტუტს იმისთვის, რომ რაღაც ზემოქმედება მოვახდინოთ ამ პროცესზე. შეუძლებელია ასე ჰაერში იყოს გამოკიდებული ეს საქმე. ეს საქმე ასე არ დასრულდება, ასე არ შეიძლება ყველაფერი გაქრეს. მივმართავთ ყველა მექანიზმს, რაც შეიძლება სამართლებრივ ფარგლებში მოხდეს“, - განაცხადა თორდიამ.

ყოფილი გენერალური აუდიტორი მზადყოფნას გამოთქვამს, გამოძიებასთან ნებისმიერ დროს ითანამშრომლოს.

ლაშა თორდია და ოთარ ფარცხალაძე რამდენიმე თვის წინ ერთმანეთს ღამის კლუბ “ელ ცენტროში“ ფიზიკურად დაუპირისპირდნენ.

რამაზ საყვარელიძე - პროპორციული საარჩევნო სისტემა კიდევ უფრო მარცხიანს გახდის ოპოზიციის მდგომარეობას
ქართული პრესის მიმოხილვა 05.06.2020
თედო ჯაფარიძე - არ მგონია, რომ ამერიკის "დასუსტებით" რუსეთმა ან რომელიმე სხვა ქვეყანამ საკუთარი პოზიციები გაიმაგროს
მითები და რეალობა ჰესების შესახებ
გიორგი რამიშვილის პრესსამსახური განცხადებას ავრცელებს
ლიბერთის მობაილ ბანკით სარგებლობა უკვე მობილური ინტერნეტის გარეშეც შესაძლებელია
ფინკა ბანკისა და სიმბიოტიკსის თანამშრომლობა მეწარმეების დაკრედიტების მიმართულებით გრძელდება
„ვისოლში“ საწვავზე წლის მიმდინარე პერიოდში რეკორდულად დაბალი ფასები დაფიქსირდა