ბაღდათის რაიონის კურორტ საირმესთან დამაკავშირებელი საავტომობილო გზა დაიმეწყრა. გზაზე ქვა-ღორღი ჩამოწვა, რის გამოც ავტომობილებით გადაადგილება შეჩერებულია.

როგორც „ინტერპრესნიუსს“ ბაღდათის გამგებელმა არჩილ გოქსაძემ განუცხადა, იმის გამო, რომ საირმეში აქტიური საკურორტო სეზონია ადგილობრივი ძალებით გზის გაწმენდა დილიდანვე მიმდინარეობს. მისივე თქმით, გზა უახლოეს ხანში გაიხსნება.