ერთიანი ეროვნული გამოცდები დასრულდა. აბიტურიენტებმა ბოლო გამოცდა ფიზიკაში ჩააბარეს. გამოცდების ეროვნული ცენტრის ხელმძღვანელის განცხადებით, შარშანდელისგან განსხვავებით, შესაძლოა, პირველადი შედეგების გამოცხადება რამდენიმე დღით დაგვიანდეს, რისი მიზეზიც განრიგში შესული ცვლილებაა.
ამავე მიზეზის გამო გადაიწევს აბიტურიენტების არჩევანის საბოლოო ვადა. მაია მიმინოშვილმა აღნიშნული განცხადება FaceBook LIVE-ის მეშვეობით გააკეთა, სადაც მან საგამოცდო პროცესები შეაჯამა და აბიტურიენტებს წარმატება უსურვა.
2018 წელს ერთიანი ეროვნული გამოცდებისთვის 39 000-მდე აბიტურიენტი დარეგისტრირდა, სტუდენტთა საგრანტო კონკურსისთვის 4500-ზე მეტი სტუდენტი, საერთო სამაგისტრო გამოცდისთვის 12300-ზე მეტი კანდიდატი, ხოლო მასწავლებელთა კომპეტენციის დადასტურებისთვის 21 000-მდე აპლიკანტმა გაიარა გამოცდა.