კომპანია „გრაკორო თრეიდ ლიმიტედი“ სპეციალურ განცხადებას ავრცელებს

კომპანია „გრაკორო თრეიდ ლიმიტედი“ სპეციალურ განცხადებას ავრცელებს, რომელსაც უცვლელად გთავაზობთ: „ვლადიმერ ჯანჯღავას და „გრაკორო თრეიდ

ლიმიტედის“ ადვოკატის იმედა დვალიძის განცხადებით, მიუხედავად იმისა, რომ კომპანია „ბადაგონის“ მითვისების პროცესში არსებობს სისხლის სამართლის დანაშაულის ნიშნები, სამართალდამცავი უწყების მიერ გამოვლენილი ფაქტების და გარემოებების მიუხედავად პროკურატურამ სისხლის სამართლის საქმის წარმოება „ბადაგონთან“ დაკავშირებით შეწყვიტა, რის შემდეგაც კომპანიის ადვოკატებმა მიმართეს სასამართლოს და თბილისის საქალაქო სასამართლომ გადაუდებელ აუცილებლობად ჩათვალა დაუყოვნებლივ დაყადაღებულიყო გიორგი სალაყაიას ქონება. ყადაღა დაედო, როგორც სალაყაიას უძრავ და მოძრავ ქონებას, ასევე კომპანია „ბადაგონში“ მის სახელზე რიცხულ წილსაც.

მოგახსენებთ, რომ გიორგი სალაყაიამ თაღლითური გზით მოახერხა კომპანიის რეალური მფლობელის ვლადიმერ ჯანჯღავას დარწმუნება „ბადაგონის“ თითქოსდა გაკოტრებაში, რის შემდეგაც ასევე თაღლითურად, კომპანიის „გადარჩენის“ მიზნით გაიფორმა კომპანიის 100 %-იანი წილი და საბანკო კრედიტის აღების მოტივაციით მიითვისა კომპანია „ბადაგონი“.

თებერვალში კომპანიაში შევიდა ფინანსთა სამინისტროს საგამოძიებო სამსახური, ამავე პერიოდიდან გიორგი სალაყაია ცდილობდა კომპანიის სამართლებრივი ფორმის შეცვლას, რაც აპრილში განახორციელა კიდეც და შპს „ბადაგონი“ გარდაქმნა სააქციო საზოგადოებად. მას შემდეგ, რაც სასამართლომ რამდენიმე დღის წინ დააყადაღა მის სახელზე რიცხული აქციები, ჩვენს ხელთ არსებული ინფორმაციით, გიორგი სალაყაია ცდილობს ამ აქციების მესამე პირებზე უკანა თარიღით გადაყიდვას.

ვაფრთხილებთ როგორც გიორგი სალაყაიას, ასევე სახელმწიფო უწყებებს და ნებისმიერ პირს რომელზეც შესაძებელია მოხდეს ამ აქციების გადაფორმება - ყველა გარიგებაზე, რომელიც შედგება უკანა ან ნებისმიერი თარიღით ამ აქციებთან დაკავშირებით, განხორციელდება კანონით დადგენილი სამართლებრივი პროცედურები. ინფორმაციას აქციების თაღლითური გზით მესამე პირებზე გადაფორმებასთან დაკავშირებით, ადასტურებს ისიც, რომ გიორგი სალაყაია შეგნებულად ამბობს უარს აღმასრულებელთან თანამშრომლობაზე და სახელმწიფოს წარმომადგენელს არ აწვდის ინფორმაციას კომპანია „ბადაგონის“ აქციების მარეგისტრირებლის თაობაზე“, - ნათქვამია განცხადებაში.

თამარ გაბუნია - ეპიდემიის გავრცელების მაჩვენებელი ჯერ კონტროლის ფარგლებში რჩება, თუმცა გარკვეული შერბილებების შემდეგ, რაღაცნაირად მოვდუნდით
ზვიად კირტავა - მთავარია, ყველა მოქალაქემ გააცნობიეროს - თუ სწორად მოექცევა ჯანმრთელობას, სამუშაოს და ბიზნესსაც შეინარჩუნებს, თუ წესებს დაივიწყებს, ყველას და ყველაფერს რისკის ქვეშ დააყენებს
ქართული პრესის მიმოხილვა 01.06.2020
ფინკა ბანკის საჩუქარი ექიმებს - საუკეთესო პირობები დეპოზიტზე
ლიბერთი ბანკმა ქალთა ეკონომიკური გაძლიერების მიზნით დაგეგმილი ტრენინგების ციკლიდან პირველი ტრენინგი ჩაატარა
ხელფასის, საშემოსავლოსა და საპენსიო შენატანის გადარიცხვა ერთი ოპერაციით - მხოლოდ ტერაბანკის ბინზესბანკინგით
"დიჯიტალ ტვ" საიუბილეო აქციას იწყებს
„დრესაპ ჯგუფის“ მაღაზიები გაიხსნა