საბერძნეთში ტყის ხანძრების შედეგად დაღუპულთა ოჯახის წევრებმა საბერძნეთის ხელისუფლების წინააღმდეგ სარჩელი შეიტანეს. ამის შესახებ გაზეთი Kathimerini იუწყება. გამოცემა აზუსტებს, რომ სარჩელი სასამართლოში დასახლებულ პუნქტში ნეოს ვუტზასში დაღუპულთა ოჯახის წევრებმა შეიტანეს.
გაზეთის ინფორმაციით, სარჩელის მიხედვით, მოპასუხედ წარმოდგენილნი არიან საბერძნეთის შს სამინისტროს სამოქალაქო თავდაცვის გენერალური მდივანი იანის კაპაკისი, დედაქალაქის ოლქის ატიკას გუბერნატორი რენა დურუ, ქალაქ მარათონის მერი ილიას პსინაკისი და ასევე ქვემო რგოლის რიგი ჩინოვნიკები, პოლიციისა და სახანძრო სამსახურის თანამშრომლები.
23 ივლისს საბერძნეთში ტყის ხანძრის რამდენიმე დიდი კერა გაჩნდა, რის შედეგადაც 91 ადამიანი დაიღუპა. ამ მომენტისთვის ხანძრის ყველა კერა ლიკვიდირებულია.