თურქეთში ანკარას პროკურატურამ სამხედრო-საზღვაო ძალების 27 სამხედროს დაკავების ორდერი გასცა. ამის შესახებ ინფორმაციას თურქული გამოცემა Hurriyet ავრცელებს.

გამოცემის ინფორმაციით, აღნიშნულ პირებს ბრალად ედებათ 2016 წლის სამხედრო გადატრიალების მცდელობასთან და ფეთჰულაფ გიულენის ორგანიზაციასთან კავშირები.

ამ მომენტისთვის თურქეთის დედაქალაქში ამ პირების დაკავების ოპერაცია მიმდინარეობს.

2016 წლის 15 ივლისს თურქეთის შეიარაღებული ძალების ჯარისკაცებისა და ოფიცრების ჯგუფი შეეცადა სამხედრო გადატრიალება განეხორციელებინათ. აღნიშნულის შედეგად 250 ადამიანი დაიღუპა. თურქეთის ხელისუფლებამ სამხედრო გადატრიალების მცდელობაში ბრალი ფეთჰულაჰ გიულენს დასდო, რომელიც ამჟამად აშშ-ში ცხოვრობს.