„რესპუბლიკელი“ და „დემოკრატი“ სენატორების ჯგუფმა ახალი კანონპროექტი წარმოადგინა, რომელიც რუსეთისთის საპრეზიდენტო არჩევნებში ჩარევის საკითხთან დაკავშირებით, ახალი სანქციების დაწესებას ითვალისწინებს. ამის შესახებ „როიტერი“ იუწყება.

„სანქციების მიმდინარე რეჟიმმა ვერ შეაკავა რუსეთი 2018 წლის შუალედურ არჩევნებში ჩარევისგან“, - განაცხადა რესპუბლიკელმა სენატორმა ლინდსი გრემმა.

დემოკრატი სენატორის ბობ მენენდეზის განცხადებით, ადმინისტრაცია ბოლომდე არ არის ერთგული ამ სანქციების. „ეს კანონპროექტი კიდევ ერთი ნაბიჯია კრემლთან ურთიერთობაში, რათა პუტინი საბოლოოდ მიხვდეს, რომ აშშ მის საქციელს აღარ მოითმენს“, - განაცხადა სენატორმა.

კანონპროექტი შეიცავს შეზღუდვას რუსეთის ახალ ოპერაციებზე სახელმწიფო ვალთან დაკავშირებით, ენერგეტიკულ პროექტებზე, რუსული ურანის იმპორტზე, ასევე ახალ სანქციებს რუს პოლიტიკოსებსა და ოლიგარქებზე.