სერგი კაპანაძე - საგამოძიებო კომისიის სხდომაზე მინისტრებთან საუბარი გვექნება მათ შორის პოლიტიკურ პასუხისმგებლობასთან დაკავშირებით

არიან ადამიანები, რომლებმაც, პასუხი უნდა აგონ იმაზე თუ რაც მოხდა ან რაც ხდება ხორავას ქუჩაზე მომხდარ მკვლელობის საქმესთან დაკავშირებით, - ამის შესახებ ჟურნალისტებს ხორავას ქუჩაზე მოზარდების მკვლელობის საქმეზე პარლამენტის დროებითი საგამოძიებო კომისიის თავმჯდომარემ სერგი კაპანაძემ ჟურნალისტებს შს მინისტრისა და ყოფილი მთავარი პროკურორის გამოკითხვის დაწყებამდე განუცხადა. კაპანაძის თქმით, გიორგი გახარიასთან და ირაკლი შოთაძესთან საგამოძიებო კომისიას არაერთი კითხვა ექნება, მათ შორის კონკრეტული პირების და მაღალჩინოსნების პასუხისმგებლობის საკითხე.

"ჩვენ ერთი კონკრეტული შეკითხვა არ გვაქვს, არამედ გვაქვს ძალიან ბევრი შეკითხვა. შეკითხვები ეხება საქმეს, ეხება რა მოხდა და რა არ მოხდა გამოძიების პროცესში და როგორ შევიდა ეს საქმე იმ ჩიხში, რომელშიც დღეს იმყოფება. სამწუხაროდ, კომისიის მუშაობის მანძილზე, კიდევ უფრო მეტი კითხვა გაგვიჩნდა. თავიდან დავიწყეთ კონკრეტული კითხვებით, მაგრამ დღეს უფრო მეტი კითხვა დაგვიგროვდა და ეს დაგროვილი კითხვები გვექნება მინისტრთან და ყოფილ მთავარ პროკურორთან. ეს კითხვები მათ შორის ეხება პასუხისმგებლობის საკითხს, როგორც პროკურატურაში და შსს-ში სხვადასხვა მაღალი ჩინის მქონე ადამიანების, ისე კონკრერული პიროვნებების პასუხისმგებლობის საკითხს", - განაცხადა სერგი კაპანაძემ.

საგამოძიებო კომისიის თავმჯდომარე ამ ეტაპზე კონკრეტული პირების დასახელებისგან თავს იკავებს.

„კონკრეტული პირების დასახელებისგან თავს შევიკავებ, მაგრამ არიან ადამიანები, რომლებმაც, პასუხი უნდა აგონ იმაზე თუ რაც მოხდა ან რაც ხდება ხორავას ქუჩის საქმესთან დაკავშირებით. ეს იყო ორი უწყების პასუხისმგებლობა და შეუძლებელია ამ ამბებმა ჩაიაროს ისე, რომ არავინ არ აგოს პასუხი. როგორი ტიპის პასუხისგებაზეა საუბარი, ამაზე უკვე მოგვიანებით გვექნება საუბარი, მათ შორის დასკვნების გამოქვეყნების დროს. მინისტრებთან საუბარი გვექნება მათ შორის პოლიტიკურ პასუხისმგებლობასთან დაკავშირებით. იგივე ეხება ყოფილ მთავარ პროკურორს", - განაცხადა კაპანაძემ.

ვაჟა ბერიძე - გაუგებარია საზოგადოების რა ნაწილს წარმოადგენს მმართველი ძალა და ვისთვისაა „ოცნების“ ხელისუფლებაში დარჩენა სისხლხორცეულად აუცილებელი
ქართული პრესის მიმოხილვა 19.10.2019
თენგიზ ფხალაძე - ვინც ანაკლიის პორტის მიზანშეწონილობას ეჭვქვეშ აყენებს, იქნებ იმაზეც დაფიქრდეს, რატომ აჩქარებს რუსეთი ტამანში საკუთარი პორტის მშენებლობას?
აჭარული სოფლები და მთები, როგორც ოთხივე სეზონის ტურისტული პროდუქტი
„ლიბერთი ბანკის“ მხარდაჭერით, ახალი, ინოვაციური ონლაინ პლატფორმა - onoff.ge შეიქმნა
„ჯიპიაი ჰოლდინგი“ ყველა ავტომფლობელს სტიქიური რისკებისგან დაზღვევას უფინანსებს