აზიური ფაროსანას საწინააღმდეგო ღონისძიებებთან დაკავშირებით ხელვაჩაურის მერიაში სამუშაო შეხვედრა გაიმართა

დღეს, ხელვაჩაურის მუნიციპალიტეტის მერიის სააქტო დარბაზში აზიური ფაროსანას საწინააღმდეგო ღონისძიებებთან დაკავშირებით სამუშაო შეხვედრა გაიმართა.

როგოც „ინტერპრესნიუსს“ ხელვაჩაურის მერიიდან აცნობეს, შეხვედრის შედეგად დაისახა შემდეგი ეტაპის სამუშაო გეგმა და ადმინისტრაციულ ერთეულებთან ურთიერთობის განყოფილების სპეციალისტებს დაევალათ ბიფეტრინის შემცვლელი პრეპარატის მოსახლეობისათვის გადაცემა, შემდგომში საკარმიდამო ნაკვეთების შეწამვლის მიზნით.

„რაც შეეხება თერმულ დამუშავებას, ის ინტენსიურად მიმდინარეობს მუნიციპალიტეტის ყველა სოფელში. შეხვედრა გახსნა ხელვაჩაურის მუნიციპალიტეტის მერმა ჯუმბერ ვარდმანიძემ და შემდეგ წარუძღვა აჭარის ა/რ სოფლის მეურნეობის მინისტრის მოადგილე ჯამბულ ხოზრევანიძე. შეხვედრას ასევე ესწრებოდნენ სამინისტროს და მერიის სხვა წარმომადგენლები“, - ნათქვამია ინფორმაციაში.