საგანგებო სიტუაციების მართვის სამსახურის ინფორმაციით, მესტიაში, მთიდან ყინულის ჩამოშლის შედეგად წარმოქმნილი წყლის დაგუბება აღარ არსებობს და წყლის დონის ეტაპობრივად დაკლების შემდეგ ყველა სახის რისკი მოხსნილია.
საგანგებო სიტუაციების მართვის სამსახურის წარმომადგენლებმა გუშინ ადგილი მონიტორინგის მიზნით კიდევ ერთხელ მოინახულეს. უწყების ინფორმაციით, მონიტორინგის პროცესი, შესაბამის სამსახურებთან ერთად, მომავალ დღეებშიც გაგრძელდება.
შეგახსენებთ, რომ მესტიაში, მყინვარ ლეხზირიდან ჩამოშლილმა ყინულის მასამ წყლის დაგუბება გამოიწვია.