ოკუპირებული „სამხრეთ ოსეთის“ ე.წ. ხელისუფლებამ ვლადიმერ პუტინი „დამოუკიდებლობის“ 10 წლის აღსანიშნავ ღონისძიებაზე დაპატიჟა
ოკუპირებული სამხრეთ ოსეთის დე ფაქტო ხელისუფლებამ „დამოუკიდებლობის“ მე-10 წლისთავის აღნიშვნის ცერემონიაზე რუსეთის პრეზიდენტი ვლადიმერ პუტინი და საგარეო საქმეთა მინისტრი სერგეი ლავროვი დაპატიჟა. ამის შესახებ „რია ნოვოსტის“ ოკუპირებულ „სამხრეთ ოსეთში“ რუსეთის ე.წ. ელჩმა მარატ კულახმეტოვმა განუცხადა.
„სამხრეთ ოსეთმა დაპატიჟა რამდენიმე რუსი მაღალჩინოსანი, მათ შორის პრეზიდენტი და საგარეო საქმეთა მინისტრი. ახლა მოსკოვში მიმდინარეობს მსჯელობა იმაზე, თუ ვინ ჩავა ცხინვალში 26 აგვისტოს“, - განაცხადა კულახმეტოვმა.
