მამუკა ბახტაძე ცემენტის ადგილობრივი მწარმოებლების მიმართვას გამოეხმაურა

პრემიერ-მინისტრი მამუკა ბახტაძე ცემენტის ადგილობრივი მწარმოებლების მიმართვას გამოეხმაურა, რომლებიც პრემიერს ბაზარზე შექმნილი ვითარების გამოსწორებას სთხოვენ.

როგორც ბახტაძემ დღეს გამართულ პრესკონფერენციაზე განაცხადა, თუკი ადგილი აქვს ხელოვნური ბარიერის შექმნას, ასეთ შემთხვევაში მთავრობა ჩაერევა და უზრუნველყოფს, რომ დაცული იქნას სამართლიანი სავაჭრო რეჟიმის პრინციპები.

„ჩვენი მიდგომა არის ძალიან მარტივი. თუ არსებობს გარკვეული ბარიერები საერთაშორისო ვაჭრობაში, რომ ეს ვაჭრობა არ არის სარკისებური ანუ თუ ვიღაცას აქვს იმპორტის უფლება, მაგრამ ამავე დროს, იმპორტიორ მწარმოებელ ქვეყანას გარკვეული ბარიერი აქვს იგივე პროდუქციის ექსპორტზე, რა თქმა უნდა, ამას დაკორექტირება სჭირდება. აქ ჩვენ აუცილებლად ჩავერევით და აუცილებლად დავარეგულირებთ თუ ასეთი პრობლემა ნამდვილად დგას. რაც შეეხება საერთაშორისო ვაჭრობას, ბუნებრივია, ჩვენ ვართ თავისუფალი ლიბერალური ბაზრის ერთგული, რომელმაც ასეთი საკითხები თვითონ უნდა დაარეგულიროს. თუკი ჩვენ გვაქვს ხელოვნური ბარიერი და ასეთი შემთხვევები გვქონია, აქ ჩვენ ჩავერევით და ვუზრუნველყოფთ, რომ დაცული იქნას სამართლიანი სავაჭრო რეჟიმის პრინციპები“, - განაცხადა მამუკა ბახტაძემ.

ცემენტის ადგილობრივმა მწარმოებლებმა პრემიერ-მინისტრის, ეკონომიკისა და ფინანსთა მინისტრების სახელზე საგანგებო მიმართვა გაავრცელეს, სადაც ბაზარზე შექმნილ პრობლემურ ვითარებაზე და გამოსავლის გზებზე საუბრობენ.

15-მდე კომპანია აცხადებს, რომ ბაზარზე მეზობელი ქვეყნებიდან იმპორტირებული ცემენტის მოძალების მასშტაბები იზრდება, რაც პერსპექტივაში უბრალოდ აზრს დაუკარგავს საქართველოში ცემენტის წარმოებას და შედეგად რამდენიმე ათასი სამუშაო ადგილის დაკარგვას გამოიწვევს მთელი თავისი ნეგატიური სოციალური და ფისკალური ეფექტების თანხლებით.

ადგილობრივ მწარმოებლებს გამოსავლის გზად ცემენტის იმპორტზე (მზა პროდუქცია) დღეს არსებული მოსაკრებელის მნიშვნელოვნად გაზრდა მიაჩნიათ.

„ამ გზით დავიცავთ ბაზარს და შევინარჩუნებთ ადგილობრივ წარმოებას. ამასთან, ეს ნაბიჯი, მინიმუმ 600-700 ათასი ტონით მაინც გამოათავისუფლებს ბაზარს იმპორტირებული პროდუქციისგან და ეს მოცულობაც ადგილობრივ წარმოებას დარჩება ასათვისებლად. სწორედ ამ მიდგომაში ვხედავთ გამოსავალს“, - აღნიშნულია მიმართვაში.

მარკო მიკელსონი - საქართველომ ყურადღების მოსაპოვებლად უნდა იბრძოლოს - პატარა ქვეყნები იმაზე დიდები უნდა ვიყოთ, ვიდრე ფიზიკურად ვართ
ქართული პრესის მიმოხილვა 27.02.2020
ირაკლი მელაშვილი - ვფიქრობ, საარჩევნო სისტემასთან დაკავშირებით არსებულ  ფონზე ხელისუფლებას გაუჭირდება ოპოზიციისთვის მოლაპარაკებების ჩაშლის გადაბრალება
როგორ დავაჩქაროთ მდგრადი განვითარების მიზნების განხორციელება აზიასა და წყნარ ოკეანეთში
ადგილობრივი სასტუმროების ჯგუფური და ინდივიდუალური დაჯავშნის ონლაინ პლატფორმა HOTEL HUB GEORGIA ბაზარზე ოპერირებას ამიერიდან HOTEL HUB GROUP-ის სახელით გააგრძელებს
„ბადაგონს“ საუკეთესო ქართული ღვინის კომპანიის სტატუსი მიენიჭა
GM Pharma-ს („ჯი-ემ-პი“) ხარისხის ახალი ISO სერტიფიკატი გადაეცა
სამსუნგმა Galaxy S20 სერია წარადგინა
PSP პირველი ჩაერთო გაეროს განვითარების პროგრამის პროექტში „სოციალური დაცვის სისტემის გარდაქმნა შეზღუდული შესაძლებლობის მქონე პირებისთვის“
BDO-მ ინფორმაციული უსაფრთხოების საერთაშორისო სტანდარტის ISO/IEC 27001 სერტიფიცირება გაიარა