თორნიკე რიჟვაძემ კვარიათში სტიქიით დაზარალებული ოჯახი მოინახულა

აჭარის მთავრობის თავჯდომარე თორნიკე რიჟვაძე სოფელ კვარიათის ტერიტორიაზე მეწყერის შედეგად დაზარალებულ ნარაკიძეების ოჯახს ესტუმრა და არსებულ მდგომარეობას გაეცნო.

როგორც „ინტერპრესნიუსს“ აჭარის მთავრობის ადმინისტრაციის პრესსამსახურიდან აცნობეს, მიწის დიდი მასა კვარიათში საცხოვრებელ სახლთან დღეს დილით ძლიერი წვიმის შემდეგ ჩამოწვა, ადგილზე იმყოფებოდა ქალაქ ბათუმის მერი ლაშა კომახიძე. მისი თქმით, დაზარალებული ოჯახის წევრები დროებით ალტერნატიულ საცხოვრებელში არიან გადაყვანილნი, ტერიტორიას კი ხვალიდან გეოლოგები შეისწავლიან.

„ამ დროისთვის ვითარება სტაბილურია. მიმდინარეოს გაწმენდითი სამუშაოები და ინფრასტრუქტურის მოწესრიგება. დღის ბოლოსთვის მთლიანად მოწესრიგდება ის კერები, რომლებიც უხვი ნალექის შედეგად დაზიანდა. მოვინახულეთ ოჯახი, რომლებიც მეწყერსაშიში პროცესების გააქტიურების გამო საფრთხის წინაშე იდგნენ. ისინი გაყვანილნი არიან უსაფრთხო ადგილას. გეოლოგთა ჯგუფი უკვე იმყოფებოდა აქ, ხვალიდან გაგრძელდება შესწავლა და ძალიან მალე გვეცოდინება შეფასება აღნიშნულ ტერიტორიასთან დაკავშირებით“ - აღნიშნა აჭარის მთავრობის თავმჯდომარემ.

დღესვე, აჭარის მთავრობის თავმჯდომარე თორნიკე რიჟვაძემ ქალაქ ბათუმის მერთან ლაშა კომახიძესთან ერთად ბათუმში დემეტრე თავდადებულის ქუჩაზე ძლიერი წვიმის შედეგად დატბორილი რამდენიმე სახლი დაათვალიერა, სადაც მერიის სამსახურების მიერ წყლის ამოტუმბვის სამუშაოები ჩატარდა.

როგორც აჭარის მთავრობის თავმჯდომარემ აღნიშნა, დილიდან ყველა პრობლემურ კერასთან ინტენსიურ რეჟიმში მიმდინარეობდა სალიკვიდაციო სამუშაოები, მობილიზებული იყო მუნიციპალიტეტების, საგზაო დეპარტამენტის და სამაშველო სამსახურის ტექნიკა.

ამირან სალუქვაძე - მიუღებელი რეალობაა - ხელისუფლებას და ოპოზიციას ერთმანეთი აწყობთ
ქართული პრესის მიმოხილვა 27.05.2020
ნათია თურნავა - ყველა წინაპირობაა, რომ 2021 წელი წარმატებული წელი იყოს
თემურ ჩუბინიძე - ჩვენი მეშახტეები გმირები არიან
უძრავი ქონების პლატფორმა Livo სამშენებლო კომპანიებს უფასო კონსულტაციას გაუწევს
"ავერსი" მომხმარებელს ახალ პროექტს - "სააფთიაქო თაროს" სთავაზობს
„ევრონიუს საქართველო“ საცდელ მაუწყებლობას იწყებს
სამედიცინო სერვისებზე მნიშვნელოვანი შეღავათების გაცემა დაიწყო
2 წლის შედეგებით Domenebi.ge უმსხვილესი დამოუკიდებელი რეგისტრატორია
ფინკა ბანკი - ძლიერი ფინანსური მაჩვენებლები და საერთაშორისო პარტნიორები ახალი გამოწვევების საპასუხოდ