საპარლამენტო უმრავლესობის წევრი ლევან გოგიჩაიშვილი „პალიტრა მედიას“ საკუთარ სარეკლამო სივრცეში აზარტული თამაშების რეკლამირებაზე უარის თქმისთვის მადლობას უხდის. გოგიჩაიშვილი სხვა მედიასაშუალებებსაც მოუწოდებს, რომ აღნიშნული ხასიათის რეკლამებისგან თავი შეიკავონ.

„შეიზღუდება რეკლამირების პროცესი. მინდა ვისარგებლო შემთხვევით და ერთ-ერთ კომპანიას მადლობა გადავუხადო, რადგან მთლიანად უარი თქვა საკუთარ სარეკლამო ბადეში აზარტული თამაშების რეკლამირებაზე. ეს არის „პალიტრა მედია“. თუ სხვა მედიასაშუალებებიც მიბაძავენ, იქნება ძალიან მნიშვნელოვანი. შეზღუდვა იქნება გარერეკლამის კუთხითაც“, - აღნიშნა გოგიჩაიშვილმა.