დღეს, 24 აგვისტოს, 17 საათზე, პარლამენტის შოთა რუსთაველის სახელობის დარბაზში, კონსტიტუციის ახალი რედაქციის პირველი გამოცემის პრეზენტაცია გაიმართება. მოწვეულ სტუმრებს სიტყვით მიმართავენ საქართველოს პარლამენტის თავმჯდომარე ირაკლი კობახიძე, პრემიერ-მინისტრი მამუკა ბახტაძე, სრულიად საქართველოს პატრიარქი ილია მეორე და GIZ-ის სამხრეთ კავკასიის ოფისის დირექტორი რონალდ შტოირერი.
კონსტიტუციის ახალი რედაქციის პრეზენტაციას დაესწრებიან საკანონმდებლო და აღმასრულებელი ხელისუფლების წარმომადგენლები, საკონსტიტუციო სასამართლოს მოსამართლეები, ქალაქ თბილისის მერი, იუსტიციის უმაღლესი საბჭოს მდივანი, მთავარი პროკურორი და სხვა თანამდებობის პირები.
ღონისძიებაზე მოწვეული არიან დიპლომატიური კორპუსისა და საერთაშორისო ორგანიზაციების წარმომადგენლები.
საქართველოს პარლამენტის მიერ მომზადებული კონსტიტუცია გერმანიის საერთაშორისო თანამშრომლობის საზოგადოების (GIZ) ფინანსური მხარდაჭერით
დაიბეჭდა.