თბილისის მერმა კახა კალაძემ ამერიკელი სენატორის, ჯონ მაკკეინის გარდაცვალებასთან დაკავშირებით მწუხარება გამოთქვა და გარდაცვლილის ოჯახის წევრებსა და აშშ-ს მიუსამძიმრა.

კახა კალაძის თქმით, ჯონ მაკკეინი საქართველოს მეგობარი იყო და აგვისტოს ომის დროს მან ჩვენი ქვეყნის მიმართ თანადგომა და მხარდაჭერა გამოხატა.

„მინდა, ჯონ მაკკეინის ოჯახს, ახლობლებს და ამერიკას მივუსამძიმრო. ამ ადამიანმა გარკვეული როლი ითამაშა, განსაკუთრებით აგვისტოს ომთან მიმართებაში, როცა მან გამოხატა მხარდაჭერა, თანადგომა. ის იყო ჩვენი ქვეყნის, საქართველოს მეგობარი და კიდევ ერთხელ ვუსამძიმრებ მის ახლობლებს“, - აღნიშნა კახა კალაძემ.

ამერიკელი სენატორი, ვიეტნამის ომის გმირი ჯონ მაკკეინი 81 წლის ასაკში გარდაიცვალა. როგორც მისი ოჯახის მიერ გავრცელებულ მოკლე განცხადებაშია აღნიშნული, ჯონ მაკკეინი შაბათს დაიღუპა.