7 სექტემბერს, მწერალთა სახლში ეროვნული ბიბლიოთეკის მეგობართა ჯგუფის წევრის, მწერალ მერაბ რატიშვილის ახალი რომანის, „იარა“ პრეზენტაცია გაიმართება, - ამის შესახებ „ინტერპრესნიუსს“ ეროვნული ბიბლიოთეკიდან აცნობეს.

მათივე ინფორმაციით, ღონისძიების მხარდამჭერია საქართველოს პარლამენტის ეროვნული ბიბლიოთეკა. წიგნის პრეზენტაცია პრეზე 18:00 საათზე გაიმართება.

მერაბ რატიშვილმა ლიტერატურული საქმიანობა რუსთავის საპყრობილეში დაიწყო. ორი წლის განმავლობაში ციხიდანვე (2011-2012) გამოსცა რომანები: „ჯუღა“, „ილიადა“, „თეთრი ლამა“, „დაკარგული ფურცლები“, ლექსების და მოთხრობების კრებული „ოდესღაც“. რომანები „ბედის მწერლები“ და „იარა“ პატიმრობიდან გათავისუფლების შემდეგ დაიწერა.