ნინო ზაუტაშვილი - უნდა დადგეს საზოგადოებრივი მაუწყებლის უმაღლესი მენეჯმენტის პასუხისმგებლობის საკითხი, ვინაიდან სახეზეა მართვის კრიზისი

მივმართავთ პრემიერ-მინისტრს, პარლამენტის თავმჯდომარესა და ბიძინა ივანიშვილს, რომ აუცილებლად ჩაერთონ საზოგადოებრივ მაუწყებელში განვითარებულ პროცესებში - საზოგადოებრივი მაუწყებელი ყველა მოქალაქის საკუთრებაა,- ამის შესახებ საზოგადოებრივი მაუწყებლის პროფკავშირების თავმჯდომარემ ნინო ზაუტაშვილმა მაუწყებელში გამართულ პრესკონფერენციაზე განაცხადა.

ზაუტაშვილმა ისაუბრა რიგი თანამშრომლისთვის შეთავაზებულ იმ ახალ ხელშეკრულებაზე, რომლის მიხედვით ისინი საათობრივ ანაზღაურებაზე გადავლენ.

ნინო ზაუტაშვილის თქმით, თუ თანამშრომლებს არხიდან გაათავისუფლებენ, საქმე სასამართლოში გადავა. მისივე განცხადებით, უნდა დადგეს საზოგადოებრივი მაუწყებლის უმაღლესი მენეჯმენტის პასუხისმგებლობის საკითხი, ვინაიდან სახეზეა მართვის კრიზისი. ამასთან, ზაუტაშვილი მის თანამოაზრეებთან ერთად მოითხოვს, პროცესში მართვის სპეციალისტების ჩართვას, რათა ყველაფერი სამართლებრივ პროცესში ჩადგეს.

"საზოგადოებრივი მაუწყებელი არის ის საზოგადოებრივი სიკეთე, რომელიც თავიდან ბოლომდე საზოგადოების კუთვნილებაა. მაუწყებელში არის ძალიან მნიშვნელოვანი ცვლილებები, რასაც ოპტიმიზაცია დაარქვა გენერალურმა დირექტორმა. ამ პროცესში გენერალური დირექტორის გარდა მონაწილეობს ზოგადად, მენეჯმენტი და ეს ადამიანები არიან: თინათინ ბერძენიშვილი, გიორგი გვიმრაძე, ელენე მიხაილოვა, პაატა ქურდაძე, გოჩა ქუმსიშვილი. ეს არის იმ ადამიანების ჩამონათვალი, რომლებმაც მიიღეს გადაწყვეტილება. მართალია, ხელს აწერს გენერალური დირექტორი, თუმცა გადაწყვეტილების მიღება დაგვიდასტურა გუშინ ამ ჩამოთვლილმა ადამიანებმა...

ხვალ უნდა შევხვედროდით ვასილ მაღლაფერიძეს, თუმცა სამწუხაროდ, მან 2-დღიანი შვებულება აიღო, დაბადების დღე აქვს. როგორც ვხედავ, ეს შეხვედრა ვერ შედგება. პროფკავშირი მზადყოფნას გამოხატავს, ნებისმიერ დროს შეხვდეს ვასილ მაღლაფერიძეს რამდენჯერაც იქნება საჭირო და გავიაროთ ყველაფერი...

სად არის დასაბუთება, თუ რატომ უშვებენ სამსახურიდან?! ასეთი დოკუმენტი არ არსებობს, რადგან არ არსებობს სამუშაო აღწერილობა... ყველანაირ ოპტიმიზაციას წინ უნდა უძღოდეს საყვედური, როდესაც ადამიანი პირობებს არ ასრულებს, ან გამაფრთხლებელი რაიმე დისციპლინური აქტი. ასეთი სახეზე არ არსებობს. დამონტაჟებული „ტურნიკები“, რომელსაც იმიზეზებს საზოგადოებრივი მაუწყებლის გენერალური მენეჯმენტი, ხშირ შემთხვევაში არ არის აღმნიშვნელი თანამშრომლის პროდუქტიულობის... ზოგადად ჩვენ გვაქვს საქმე არაპროფესიონალურ მიდგომასთან“, - განაცხადა ზაუტაშვილმა.

შეგახსენებთ, რომ საზოგადოებრივი მაუწყებლის მენეჯმენტი რამდენიმე ათეულ თანამშრომელს ანაზღაურების ახალ - საათობრივ პირობებს სთავაზობს. ხელშეკრულებებში აღნიშნული ცვლილებების თაობაზე მათ შეტყობინება 30 აგვისტოს მიიღეს. არხის თანამშრომლების ეს ნაწილი ეჭვობს, რომ მენეჯმენტს მათი გათავისუფლება აქვს გადაწყვეტილი.

ანდრო გოცირიძე - პოლიტიკური სარგებლის მიღების მიზნით, მმართველი პარტია არ ერიდება მოსახლეობის დაპირისპირებას, პოლარიზაციის გაღვივებას და აღვირახსნილ ანტიდასავლურ კამპანიასაც კი
მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
აკადემიკოსი გიორგი ჯაფარიძე - ქვეყანა რომ წარმოდგენილი იყოს მსოფლიოს სამეცნიერო რუკაზე, აუცილებელია მასში მცხოვრები მეცნიერები თავისი საქმიანობით მონაწილეობდნენ საერთაშორისო სამეცნიერო პროცესში
ქართული პრესის მიმოხილვა 28.03.2024
„გავერთიანდეთ ჩვენი გმირებისთვის“ - სილქნეტი დაჭრილ მებრძოლთა თანადგომის ფონდის საქმიანობის ანგარიშს აქვეყნებს
საქართველოს უნივერსიტეტი -  iOS LAB Apple ავტორიზებული სასწავლო ცენტრი
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს