ვეტერანების საქმეთა სახელმწიფო სამსახურში სათათბირო-საკონსულტაციო საბჭოს წევრებთან შეხვედრა გაიმართა

მიმდინარე წლის 5 სექტემბერს, ვეტერანების საქმეთა სახელმწიფო სამსახურის დირექტორმა, ვლადიმერ იმნაძემ მოადგილეებთან, მირონ ჩიგოგიძესთან და ჯანდრი უბირიასთან ერთად, სათათბირო-საკონსულტაციო საბჭოს წევრებთან შეხვედრა გამართა. დირექტორმა ვლადიმერ იმნაძემ სხდომაზე 2018 წლის 6 თვის შედეგებზე და ვეტერანთა იმ საჭირბოროტო საკითხებზე, პროექტებსა და გამოწვევებზე ისაუბრა რომლის განხორციელებაც წლის ბოლომდე იგეგმება.

„შეხვედრაზე სააღრიცხვო-ანალიტიკური განყოფილების მთავარმა სპეციალისტმა, მაია ბაღაშვილმა უწყების 6 თვის შედეგების შემაჯამებელი პრეზენტაცია წარადგინა.

ბიზნესის მართვის ჯგუფის დაგეგმილი და განხორციელებული პროექტების შესახებ ისაუბრა პროექტების დაგეგმვისა და მართვის ჯგუფის უფროსმა, ლელა კიკნაძემ.

ეკონომიკური დეპარტამენტის უფროსმა, ვარლამ ბზიკაძემ მომავალი წლის ბიუჯეტის პროექტი წარადგინა.

ვლადიმერ სანიკიძის სახელობის ომის ვეტერანთა კლინიკურ ჰოსპიტლის მშენებლობასთან და სამომავლო გეგმებთან დაკავშირებით კლინიკის დირექტორმა, ლევან ჯუღელმა ისაუბრა. ხოლო, საქართველოს ტერიტორიული მთლიანობისათვის საბრძოლო მოქმედებების შედეგად დაღუპული, უგზო-უკვლოდ დაკარგული,ან ჭრილობების შედეგად გარდაცვლილ მეომართა სიებისა და ანკეტური მონაცემების დაზუსტება- ანალიზის სამუშაო ჯგუფის მოხსენება სააღრიცხვო-ანალიტიკური განყოფილების უფროსმა სპეციალისტმა, ლალი ცერაძე გააკეთა“, - ნათქვამია ვეტერანების საქმეთა სახელმწიფო სამსახურის მიერ გავრცელებულ ინფორმაციაში.

პრეზენტაციების შემდეგ წარმოდგენილ პროექტებზე დისკუსია და მსჯელობა გაიმართა.

ვეტერანთა საკონსულტაციო-სათათბირო საბჭო, უწყების საქმიანობის გამჭვირვალობის, მუშაობის საჯაროობის უზრუნველყოფისა და დემოკრატიული პრინციპებით მართვის გამო შეიქმნა. საბჭო დაკომპლექტებულია ვეტერანთა საკითხებზე მომუშავე არასამთავრობო ორგანიზაციების წარმომადგენლებით და ყოფილი და მოქმედი სამხედრო პირებით.

მიხეილ კალანდია - თამამად შემიძლია ვთქვა, რომ 19 წლის ასაკში პოლიტიკური პატიმარი ვარ
ქართული პრესის მიმოხილვა 20.11.2019
დავით უსუფაშვილი - „გერმანული მოდელი“ სწორედ იმიტომ იქნა შერჩეული, რომ იგი ყველაზე ადეკვატური კონტრნაბიჯია, რათა პროცესები კონტროლიდან არ გამოვიდეს
სოფლის მეურნეობის განვითარების გეგმები და შესაძლებლობები - კონფერენცია "ექსპოჯორჯიაში" გაიმართება
დიდი ხანია ემზადები შავი პარასკევისთვის?! (R)
BCard - "ემბისის" ბიზნეს ბარათი მცირე ფერმერებისა და მიკრო მეწარმეებისთვის
უნიმანია "უნიქარდისგან" - ექსკლუზიური შეთავაზება მინიმალური ქულებით (R)