რეგიონული განვითარებისა და ინფრასტრუქტურის სამინისტრო - ცაგერში 800-მდე ოჯახისთვის სასმელი წყლის მიწოდება გაუმჯობესდა

ცაგერში მცხოვრები 800-მდე ოჯახისთვის სასმელი წყლის მიწოდება გაუმჯობესდა. როგორც „ინტერპრესნიუსს“ რეგიონული განვითარებისა და ინფრასტრუქტურის სამინისტროდან აცნობეს, გაერთიანებული წყალმომარაგების კომპანია მუნიციპალიტეტებში წყალმომარაგება-წყალარინების შიდა სისტემების მოწესრიგებას აქტიურად განაგრძობს.

მათივე ინფორმაციით, სარეაბილიტაციო სამუშაოები დასრულდა ცაგერის წყალმომარაგების სათავე ნაგებობაზე, რომელიც მაღალმთიან მეწყრულ ზონაში მდებარეობს და 2014 წლიდან არ ფუნქციონირებდა.

ზაფხულის სეზონის დადგომისთანავე ადგილობრივ მოსახლეობას წყალი შეზღუდული გრაფიკით მიეწოდებოდა.

პროექტის ფარგლებში 7 კმ სიგრძის მონაკვეთზე დაზიანებული და მოძველებული მილები ახლით ჩანაცვლდა. მოეწყო ხუთი და რეაბილიტაცია ჩაუტარდა სამ ჰაერგამშვებ სარქველს.

სამუშაოების დასრულების შედეგად ქალაქის წყალმომარაგების პრობლემა მოგვარდა. ცაგერში მცხოვრები 800-მდე ოჯახი და 106 იურიდიულ აბონენტი წყალმომარაგებას სტაბილურად მიიღებს.

სარეაბილიტაციო სამუშაოები ცაგერის სერვის-ცენტრის ძალებით განხორციელდა.

გია ხუხაშვილი - ხელისუფლების დღის წესრიგი მორგებულია არჩევნებს, სამწუხაროდ, არ ფიქრობს ეკონომიკაში სისტემური ცვლილებების განხორციელებაზე და თვითგადარჩენის რეჟიმზეა გადასული
ქართული პრესის მიმოხილვა 28.05.2020
ამირან სალუქვაძე - მიუღებელი რეალობაა - ხელისუფლებას და ოპოზიციას ერთმანეთი აწყობთ
"სილქნეტი" StopCoV ფონდში კიდევ ერთ მილიონ ლარს გადარიცხავს
სამედიცინო სერვისებზე მნიშვნელოვანი შეღავათების გაცემა დაიწყო
2 წლის შედეგებით Domenebi.ge უმსხვილესი დამოუკიდებელი რეგისტრატორია
ფინკა ბანკი - ძლიერი ფინანსური მაჩვენებლები და საერთაშორისო პარტნიორები ახალი გამოწვევების საპასუხოდ