ტყიბულის შახტებში მომხდარი უბედური შემთხვევების შედეგად 2017-2018 წლებში 15 დასაქმებული დაიღუპა, - ამის შესახებ ინფორმაციას ჯანდაცვის სამინისტრო ავრცელებს.

უწყების განმარტებით, მომხდარ ფაქტებზე შრომის პირობების ინსპექტირების დეპარტამენტმა მოახდინა მყისიერი რეაგირება და შეისწავლა უბედური შემთხვევების გამომწვევი მიზეზები.

მათივე ინფორმაციით, ტყიბულის შახტებში არსებული შრომის პირობების შესასწავლად მზადყოფნა რამდენიმე საერთაშორისო ექსპერტულმა ორგანიზაციამ გამოთქვა, რომელთა ნაწილმაც შესასრულებელი სამუშაოს გეგმა, ვადა და ბიუჯეტი უკვე წარმოადგინა. ამასთან, საერთაშორისო ორგანიზაციების მიერ წარმოდგენილ წინადადებებს სამმხრივ კომისიაზე დღეს ჯანდაცვის სამინისტროში განიხილავენ.

ცნობისთვის, ტყიბულის შახტში მომხდარი უბედური შემთხვევის შემდეგ საწარმო 5 აპრილს დაიხურა.