საქართველოს აბაის სახელობის ყაზახეთის ოპერისა და ბალეტის სახელმწიფო აკადემიური თეატრი ესტუმრება

7, 8 და 9 სექტემბერს, თბილისში აბაის სახელობის ყაზახეთის ოპერისა და ბალეტის სახელმწიფო აკადემიური თეატრის გასტროლი გაიმართება. როგორც „ინტერპრესნიუსს“ თბილისის ოპერისა და ბალეტის სახელმწიფო თეატრიდან აცნობეს, თბილისის ოპერისა და ბალეტის თეატრში დამსწრე საზოგადოებას საშუალება ექნება გაეცნოს ყაზახეთის კულტურის საუკეთესო ნიმუშებს.

7 სექტემბერს, წარმოდგენილი იქნება ახმეტ ჟუბანოვის და ლატიფა ხამიდის ოპერა „აბაი“, რომელიც ითვლება ყაზახეთის სავიზიტო ბარათად. „აბაის“ დიდი წარმატება ხვდა წილად პარიზში შანზელიზეს თეატრის სცენაზე და გერმანიაში, მაინინგენის სახელმწიფო ოპერის თეატრში. 8 სექტემბერს, წარმოდგენილი იქნება ასაფიების ბალეტი „ბახჩისარაის შადრევანი“. ამ ბალეტის პრემიერა 1934 წელს პეტერბურგში, მარიას სახელობის ოპერის თეატრში შედგა და დღემდე უდიდესი წარმატებით იდგმება მსოფლიოს მრავალ თეატრში. 9 სექტემბერს, გაიმართება გალა-კონცერტი აბაის სახელობის ყაზახეთის ოპერის თეატრის სოლისტების, გუნდის და ორკესტრის მონაწილეობით. კონცერტზე შესრულდება ყაზახი, ქართველი და დასავლეთევროპელი კომპოზიტორების ნაწარმოებები. სადირიჟირო პულტთან იდგება აბაის ოპერის თეატრის სამხატვრო ხელმძღვანელი ასკარ ბურიბაევი.

7 და 8 სექტემბერს სპექტაკლები დაიწყება 19:00 საათზე, ხოლო 9 სექტემბერს გალა- კონცერტი 17:00 საათზე გაიმართება.

წარმოდგენებზე დასწრება თავისუფალია. აბაის სახელობის ოპერის თეატრის გასტროლები ტარდება ყაზახეთის კულტურის და სპორტის სამინისტროს მხარდაჭერით.

დიმიტრი შველიძე - ახლა პოლიტიკური ელიტა იდეებისაგან დაცლილია, ფულის ფაქტორი გადამწყვეტია, სოციალური პოლარიზაცია უძლეველია და კაცმა არ იცის, ელექტორატის უმრავლესობა ვის უჭერს მხარს
ქართული პრესის მიმოხილვა 20.09.2021
თენგიზ ფხალაძე - საშიშ ფაზაში ვიმყოფებით, მსოფლიოში მიმდინარე პროცესები ყურადღების მიღმა გვრჩება, ყველაფერს ვაკეთებთ სახელმწიფოს ჩამოსაშლელად, მოწინააღმდეგეს მხოლოდ ისღა რჩება, რომ ამ პროცესში ხელი არ შეგვიშალოს
„კასტელო მარე“ ზაფხულის წარმატებული სეზონის შემდეგ საშემოდგომო სეზონისთვის ემზადება
„უმალი“ გაყინული თევზის ბაზარზე შესვლას გეგმავს
დიდი ფასდაკლება შერჩეულ პროდუქციაზე - სექტემბრის ტოპ შეთავაზება „მიჰაუსისგან“
კომპანია “ლისი რეკრეაცია” ლისის ტბასთან დაკავშირებით ინფორმაციას ავრცელებს