სავალდებულო სამხედრო სამსახურის ჯარისკაცებმა ფიცი დადეს
საქართველოს შეიარაღებულ ძალებს 95 სავალდებულო სამხედრო მოსამსახურე შეემატა. როგორც „ინტერპრესნიუსს“ თავდაცვის სამინისტროდან აცნობეს, ფიცის დადების საზეიმო ცერემონიალი ვაზიანში, მე-5 საარტილერიო ბრიგადის სამწყობრო მოედანზე გაიმართა. ცერემონიალს აღმოსავლეთ სარდლობის შტაბის უფროსი, პოლკოვნიკი ლევან ქავთარაძე დაესწრო.
ფიცის დადებამდე მომავალმა სამხედროებმა საწყისი საბრძოლო მომზადების 10-კვირიანი (BCT) კურსი გაიარეს. პროგრამა ანალოგიურია იმ მომზადების რასაც საკონტრაქტო სამხედრო მოსამსახურეები გადიან. საბრძოლო მომზადების განმავლობაში მათ ტაქტიკური, კავშირგაბმულობის, სამედიცინო, საცეცხლე და სამწყობრო მომზადებასთან დაკავშირებული უნარები განავითარეს და სადისციპლინო წესდება შეისწავლეს.
სავალდებულო სამხედრო მოსამსახურეები სამხედრო სამსახურის განმავლობაში სრულყოფილ მომზადებას გაივლიან და მონაწილეობას მიიღებენ სწავლებებში, რაც ქვედანაყოფებში ჩატარდება.
სავალდებულო სამხედრო მოსამსახურეები განახლებული პროგრამით 2016 წლის 29 ნოემბრიდან ემზადებიან. ჯარისკაცები გაუმჯობესებული სოციალური პაკეტით სარგებლობენ და უქმე დღეებში დასვენების შესაძლებლობა აქვთ.
v-if="article.gallery" v-html="article.gallery"
