აზიური ფაროსანას საწინააღმდეგოდ 570 ათასი ჰექტარია დამუშავებული

დასავლეთ საქართველოში აზიურ ფაროსანასთან ბრძოლის ღონისძიებების მორიგი ეტაპი მიმდინარეობს. სურსათის ეროვნული სააგენტოს ინფორმაციით, სამეგრელოს, იმერეთის, გურიის რეგიონებსა და აჭარაში, თერმული ნისლის ტექნოლოგიით და ცივი შესხურებით, 570 ათასი ჰექტარი ფართობია დამუშავებული.

„აგვისტოდან დღემდე დამონტაჟებულია 50 ათასამდე ფერომონი „მოიზიდე და გაანადგურე“ მეთოდის გამოყენების მიზნით. სურსათის ეროვნული სააგენტოს მცენარეთა დაცვის სპეციალისტები და აზიურ ფაროსანასთან ბრძოლის საკოორდინაციო შტაბის წევრები მოსახლეობასთან და ადგილობრივი თვითთმართველი ერთეულების წარმომადგენლებთან ყოველდღიურ რეჟიმში მართავენ შეხვედრებს, სადაც მათ მიეწოდებათ ინფორმაცია მოსახლეობის ჩართულობის აუცილებლობასა და იმ მეთოდებზე, რომლებიც აპრობირებულია სხვა ქვეყნებში და ეფექტიანად მიიჩნევა მავნებელთან ბრძოლის პროცესში. პრაქტიკული მაგალითების ჩვენების მიზნით, სპეციალისტების მიერ მონტაჟდება „მოიზიდე და გაანადგურე“ სადგურის მარტივი კონსტრუქცია, ფერომონის, ბადის,სანათის გამოყენებით. ღამის საათებში შუქზე და ფერომონზე მიზიდული მავნებელი პრეპარატით გაჟღენთილ ბადესთან შეხების შემდეგ ნადგურდება. მავნებლის ბიოლოგიიდან გამომდინარე, ტემპერატურის კლებასთან ერთად მწერი გამოსაზამთრებლად ინაცვლებს საცხოვრებელ სახლებსა და დახურულ შენობებში. ბრძოლის ამ ეტაპზე მსოფლიოს წამყვანი სპეციალისტების რეკომენდაციებით მსგავსი მექანიკური ღონისძიებების გატარებით შესაძლებელია მავნებლის შემცირება“, - აცხადებენ სააგენტოში.

მაია ბითაძე - ევროპამ 50 წლით გაგვისწრო, მაგრამ ნაბიჯ-ნაბიჯ ჩვენც მივყვებით
ქართული პრესის მიმოხილვა 12.11.2019
ვახტანგ ძაბირაძე - ოპოზიციაში არ ჩანს ოპოზიციური ძალა, რომელიც ოპოზიციურად განწყობილი პოლიტიკური ძალებისა და ელექტორატის ლიდერი გახდებოდა
„სამ რაან სპა-ცენტრი“ ევროპის საუკეთესო სპად დასახელდა