ირაკლი კობახიძე ლიეტუვას რესპუბლიკის საგარეო საქმეთა მინისტრს შეხვდა

საქართველოს პარლამენტის თავმჯდომარე ირაკლი კობახიძე ლიეტუვას რესპუბლიკის საგარეო საქმეთა მინისტრს ლინას ლინკევიჩუსს შეხვდა. პარლამენტის პრესსამსახურის ინფორმაციით, შეხვედრაზე ორ ქვეყანას შორის არსებული მეგობრული და პარტნიორული ურთიერთობები მიმოიხილეს და სამომავლო თანამშრომლობის შესახებ იმსჯელეს.

მათივე ცნობით, მხარეებმა საქართველოს დასავლური ინტეგრაციისა და ევროკავშირთან დაახლოების პროცესის საგზაო რუკის შესახებ ისაუბრეს. ლინას ლინკევიჩუსმა, საგზაო რუკის შემუშავების პროცესში ლიეტუვას მხრიდან მხარდაჭერა და გამოცდილების გაზიარებისთვის მზადყოფნა დაადასტურა.

საუბარი, ასევე, შეეხო მოახლოებულ საპრეზიდენტო არჩევნებსა და საქართველოში განხორციელებულ საკონსტიტუციო რეფორმას. „ლიეტუვას და საქართველოს ბევრი მიმართულებით სამაგალითო ურთიერთობა აქვთ. ლიეტუვა ყოველთვის გამოხატავს მზადყოფნას საქართველოსთან პრაქტიკული თანამშრომლობისთვის. ამასთან დაკავშირებით გვქონდა საუბარი, ისევე, როგორც ჩვენს ევროატლანტიკურ დღის წესრიგსა და ქვეყანაში მიმდინარე რეფორმებთან დაკავშირებით. ლიეტუვა საქართველოს ტერიტორიული მთლიანობისა და სუვერენიტეტის ძალიან მტკიცე მხარდამჭერია. ეს გამოიხატება არა მხოლოდ ორმხრივ ურთიერთობებში, არამედ ნამდვილად აღსანიშნავია ის, რომ ლიეტუვა საერთაშორისო არენაზე ყოველთვის ხაზს უსვამს ძალიან მტკიცე პოზიციას საქართველოსთან მიმართებაში. ორმხრივი ურთიერთობების დინამიკა ნამდვილად ინტენსიურია. ასევე, ვისაუბრეთ სამომავლო გეგმებსა და თანამშრომლობაზე, რომელიც ორ ქვეყანას აკავშირებს“, - განაცხადა შეხვედრის დასრულების შემდეგ საქართველოს პარლამენტის საგარეო ურთიერთობათა კომიტეტის თავმჯდომარემ სოფიო ქაცარავამ.

იოსებ ბარათაშვილი - ახლა მთავარია, გამოძიებამ უტყუარად დაადგინოს იმ პირების ვინაობა, რომელთა ქმედებამაც გამოიწვია შაქარაშვილის გარდაცვალება
ქართული პრესის მიმოხილვა 10.07.2020
ალექსეი მალაშენკო - ვინც არ უნდა მოიგოს საქართველოს არჩევნებში, აფხაზეთისა და სამხრეთ ოსეთის საკითხებში არაფერი შეიცვლება, ამიტომ, კრემლისთვის პრინციპული მნიშვნელობა არ აქვს, ვინ გაიმარჯვებს
ყაზახეთ-საქართველოს თანამშრომლობის ახალი ეტაპი იწყება
სუბსიდირებული იპოთეკური სესხი - ახალი შესაძლებლობა ტერაბანკისგან
სილქნეტის მობილური აბონენტები თიბისის მობაილბანკით სარგებლობას ინტერნეტის დახარჯვის გარეშე შეძლებენ