მამუკა ბახტაძე - არ ვფიქრობ, რომ ჩვენ ოლიგარქიული მდგომარეობა გვაქვს ქვეყანაში, მე ანგარიშვალდებული ვარ საქართველოს საზოგადოების წინაშე

მე არ ვფიქრობ, რომ ჩვენ ოლიგარქიული მდგომარეობა გვაქვს ქვეყანაში... მე ანგარიშვალდებული ვარ ამომრჩევლებისა და საქართველოს საზოგადოების წინაშე, - ამის შესახებ საქართველოს პრემიერ-მინისტრმა მამუკა ბახტაძემ საერთაშორისო კონფერენცია "მსოფლიო თავდაყირა - 2018"-ზე სიტყვით გამოსვლისას განაცხადა, მმართველი პარტიის თავმჯდომარე ბიძინა ივანიშვილთან დაკავშირებით დასმული კითხვის პასუხად. მისივე თქმით, ქვეყნის მაჩვენებლები 2012 წლის არჩევნების შემდეგ, არაერთი მიმართულებით გაუმჯობესდა.

„მე არ ვფიქრობ, რომ ჩვენ ოლიგარქიული მდგომარეობა გვაქვს ქვეყანაში. ბიძინა ივანიშვილი არის „ქართული ოცნების“ დამფუძნებელი. ჩვენ 2012 წელს არჩევნები მოვიგეთ. საუკეთესო პასუხი იმაზე, თუ რა მოიტანა ჩვენი ქვეყნისთვის ამ დიდმა ცვლილებამ, არის საერთაშორისო რანჟირებები. როგორ გაუმჯობესდა ჩვენი რანჟირება ყველა მიმართულებით: მედია პლურალიზმი, ადამიანის უფლებები, კერძო სექტორის აქტივების საკუთრების დაცვა, გაცილებით უფრო მაღალი გამჭვირვალობა. შეგახსენებთ, რომ ბიუჯეტის გამჭვირვალობის თვალსაზრისით, ჩვენ ვართ ხუთეულში. რაც კვლევებს, საქართველო ნიდერლანდების, შვედეთის, დიდი ბრიტანეთის დონეზე დგას ძალიან ბევრ კვლევაში. ესაა კონკრეტული მიღწევები. ჩვენ ვართ სწორ გზაზე, დემოკრატიული ტრანსფორმირების გზაზე და ევროპული დემოკრატიის დამკვიდრების გზაზე“, - განაცხადა ბახტაძემ.

მისი ამ განცხადების შემდეგ პრემიერს სიტყვა შეაწყვეტინეს და იქვე შემდეგი შეკითხვა დაუსვეს იმასთან დაკავშირებით, თუ ვინ არის მისი ხელმძღვანელი და ვის წინაშეა ანგარიშვალდებული.

„მე ანგარიშვალდებული ვარ ამომრჩევლების, საქართველოს საზოგადოების წინაშე და ეს მკაფიოა. დანარჩენი არის პოლიტიკური სპეკულაციები. მე ვფიქრობ, რომ ამ კითხვაზე საუკეთესო პასუხი იქნებოდა რეალური სტატისტიკა და რეალური ციფრები. ასევე, ჩვენი განვითარება საერთაშორისო შეფასებებში“, - განაცხადა ბახტაძემ.

იოსებ ბარათაშვილი - ახლა მთავარია, გამოძიებამ უტყუარად დაადგინოს იმ პირების ვინაობა, რომელთა ქმედებამაც გამოიწვია შაქარაშვილის გარდაცვალება
ქართული პრესის მიმოხილვა 10.07.2020
ალექსეი მალაშენკო - ვინც არ უნდა მოიგოს საქართველოს არჩევნებში, აფხაზეთისა და სამხრეთ ოსეთის საკითხებში არაფერი შეიცვლება, ამიტომ, კრემლისთვის პრინციპული მნიშვნელობა არ აქვს, ვინ გაიმარჯვებს
ყაზახეთ-საქართველოს თანამშრომლობის ახალი ეტაპი იწყება
სუბსიდირებული იპოთეკური სესხი - ახალი შესაძლებლობა ტერაბანკისგან
სილქნეტის მობილური აბონენტები თიბისის მობაილბანკით სარგებლობას ინტერნეტის დახარჯვის გარეშე შეძლებენ