საქართველო არის უმნიშვნელოვანესი სტრატეგიული პარტნიორი ამერიკის შეერთებული შტატების. ამას ადასტურებს არაერთი მაგალითი, - ამის შესახებ აშშ-ს სახელმწიფო მდივნის მოადგილემ შეიარაღების, კონტროლისა და უშიშროების საკითხებში ანდრეა ტომფსონმა ჟურნალისტებთან საუბრისას განაცხადა.
ანდრეა ტომფსონმა საქართველოში დემოკრატიის განვითარებაზეც გააკეთა კომენტარი და აღნიშნა, რომ დემოკრატიას ყველა ქვეყანაში მუდმივი განვითარება სჭირდება.
"საქართველო არის უმნიშვნელოვანესი სტრატეგიული პარტნიორი ამერიკის შეერთებული შტატების. ამას ადასტურებს არაერთი ქმედება მაგალითად ერთობლივი წვრთნები, ასევე შეხვედრები და ზოგადად ჩვენი თანამშრომლობა როგორც ეკონომიკური, ასევე დიპლომატიური და სამხედრო მომართულებით. უნდა აღინიშნოს, რომ ნატო-სკენ გზაზე ბევრი სამუშაო განხორციელდა, თუმცა ასევე უნდა გადაიდგას ნაბიჯები ბევრი მიმართულებით და გაგრძელდეს ეს განვითარება. რაც შეეხება კითხვას სჭირდება თუ არა საქართველოს დემოკრატიას განვითარება, გეტყვით, რომ ნებისმიერ დემოკრატიას სჭირდება განვითარება. მე გეტყვით საკუთარი ქვეყნის მაგალითზე, რომ ჩვენც მუდმივად განვითარების პროცესში ვართ. ჩვენ შეგვიძლია შევხედოთ საქართველოს ჩრდილოელ მეზობელს და სხვა განვითარებულ ქვეყნებს და გავაკეთოთ არჩევანი თუ რა არის უკეთესი", - განაცხადა ანდრეა ტომფსონმა.