დავით ბაქრაძე - საპარლამენტო კომისიის მუშაობამ დაადასტურა ზაზა სარალიძის სიმართლე, რომ სისტემამ ყველაფერი გააკეთა, არ მომხდარიყო საქმის სრულფასოვნად გამოძიება

როგორც პოლიტიკოსს, მიმაჩნია, რომ საპარლამენტო კომისიის მუშაობამ დაადასტურა ზაზა სარალიძის სიმართლე, რომ სისტემამ ყველაფერი გააკეთა, არ მომხდარიყო საქმის სრულფასოვნად გამოძიება და არ დასჯილიყვნენ ის ადამიანები, ვინც დასასჯელი იყვნენ დავით სარალიძის მკვლელობის გამო, - ამის შესახებ ჟურნალისტებს "ევროპული საქართველოს" პრეზიდენტობის კანდიდატმა დავით ბაქრაძემ განუცხადა. ბაქრაძე თანაგუნდელ ოთარ კახიძესთან ერთად პარლამემტის შენობასთან მივიდა, სადაც ზაზა სარალიძე და მალხაზ მაჩალიკაშვილი საპროტესტო აქციას მართავენ.

ბაქრაძის თქმით, ის აქციაზე სოლიდარობისა და თანაგრძნობის გამოხატვის მიზნით მივიდა. "როგორც ორი შვილის მამა, ადამიანურად, რა თქმა უნდა, სრულად თანავუგრძნობ ზაზა სარალიძეს და მთლიანად სოლიდარული ვარ მასთან მიმართებაში. როგორც პოლიტიკოსს მიმაჩნია, რომ საპარლამენტო კომისიის მუშაობამ დაადასტურა ზაზა სარალიძის სიმართლე, რომ სისტემამ ყველაფერი გააკეთა, არ მომხდარიყო საქმის სრულფასოვნად გამოძიება და არ დასჯილიყვნენ ის ადამიანები, ვინც დასასჯელი იყვნენ ამ მკვლელობის გამო. ამიტომ მიმაჩნია, რომ ჩვენი ვალია ადამიანურად და პოლიტიკურადაც გვერდში დავუდგეთ ზაზა სარალიძეს. რაც შეეხება კონკრეტულ მოთხოვნებსა და მის კონკრეტულ გეგმას მომავალთან დაკავშირებით, ამაზე გვექნება მასთან კონსულტაცია და კონკრეტულ დეტალებზე ჩამოვყალიბდებით", - განაცხადა ბაქრაძემ.

კორნელი კაკაჩია - აშშ-ში საქართველოს ხელისუფლების წარმომადგენელთა ვიზიტი საკმაოდ დაგვიანებულია, ამიტომ, არა მგონია, რომ ამ ვიზიტმა რამე შეცვალოს
ქართული პრესის მიმოხილვა 29.01.2020
მამუკა გონგაძე - ენგურის ხიდთან არ უნდა იყოს აღმართული საქართველოს სახელმწიფო დროშა
„ინვესტ ჯგუფი“ ანანოვების სასახლის მასშტაბური რეაბილიტაციის პროექტს იწყებს
"თიბისიმ" მსოფლიოში საუკეთესოდ აღიარებული მობაილბანკი განაახლა